Governu Deve Osan Rai Tusan ba Jerasaun Foun

Governu Deve Osan Rai Tusan ba Jerasaun Foun

- in Nasional
213
0
osan

DILI—Planu governu deve osan husi Banku Mundial hamutuk miliaun 4 resin ida nee parte akademiku sira konsidera hanesan rai hela tusan ba jerasaun foun tuir mai. Karik governu lakonsege selu hotu.

Lia fuan hirak nee hatoo husi Retor Universidade Dili (UNDIL) Estevao da Costa Belo ba STL iha nia knar fatin Maskarinhas Dili Kuarta, (15/11/2017). Nia dehan tan katak governu deve osan ho objetivu atu halo dezenvolvimentu ba nasaun no ba povu nee diak.

Tuir ami nia haree inpresta osan nee diak maibe parte negative nia mak fo tusan ba jerasaun foun tuir mai. Kuandu governu laselu ema nia osan mak Timor beele sai atan no sai servidu ba ema nunee moos halo terus oan no bee oan sira tuir mai,”nia kualia.

Parte seluk moos deve osan nee diak atu beele hamenus reseitas husi fundus petroliveru iha Orsamentu Jeral Estadu (OJE) neebe kada tinan sempre hasai bebebeik. Maibe haree husi parte negativu nia mak karik governu laselu hotu lalais. Nia inpaktu maka sai tusan ba jerasaun foun neebe lidera governu tuir mai.

Tuir Reprezentante Musulmanu Timor Leste Arif Abdullah Sagran dehan tuir tuir komersiu Internasional empresta nee normal tanba nee laos akontese deit iha TL maibe akontese moos iha nasaun sira neebe dezenvolvidu ona.

Maibe governu nia intensaun inpresta osan nee atu halo dezenvolvimentu no halo povu moris diak nee ida nee parte Musulmanu moos apoiu. Maibe, sira nia preokupasaun maka durante nee maka parte governu sedauk matenek atu uja osan ho diak. parte seluk maka lakohi deve ida nee sai tusan ba oan no beoan tuir mai. Justinho Manuel

 

Facebook Comments

Leave a Reply

Your email address will not be published. Required fields are marked *