Governu Deside Hatun OJE

Governu Deside Hatun OJE

- in Politics
34
0
Sara Lobo

DILI- Primeiru Ministru Taur Matan Ruak konvoka reuniaun  ho membru governu da-8, iha Palasiu Governu, hodi  deside redus Orsamentu Jeral Estadu 2020 ho montante biliaun $ 1.950,liuliu iha kategoria bens no servisu.

 Ministra Finansas Interina Sara Lobo Brites hatete, enkontru nee halao ho objetivu,  atu halo redusaun ba Orsamentu Jeral Estadu (OJE) 2020  ho montante biliaun $ 1.950.

Hatun bens no servisu nee konserteza, item sira neebe mak ita haree hanesan viajen estranjeiru no fundu rezerva hasai hotu ho mos sira seluk neebe ami haree hatun. Para ita bele hatama fali orsamentu tuir hotu hotu nia rekomendasaun, dehan Sara ba Jornalista sira, hafoin remata enkontru ho Xefe Governu Taur Matan Ruak, iha Palasiu Governu, Kuarta, (04/12/2019).

Nia dehan, debate Orsamentu Jeral Estadu loron rua, rezimentu Parlamentu fo dalan governu dada fila OJE, nunee governu tetu hafoin hatama hikas fali.

Ami sei hatama fali orsamentu  ho numeru kiik, dehan Ministra nee.

Ministra Interina nee hatete, governu deside ona atu hatu orsamentu, maibe  ba montante hira seidauk bele fo sai, tanba sei deside hamutuk ho lina ministerial husi governu da-8 , neebe moris husi Aliansa Mundasa ba Progresu.

Hau seidauk bele dehan numeru,  tanba sei diside hamutuk ho ministeriu hotu hotu. Neebe fo tempu  ami halo  servisu depois dia 13 sei hatama fali, dehan governante nee.

Entretantu  proposta Orsamentu Jeral Estadu (OJE) tinan 2020 ho total biliaun $ 1.95 fahe ba  kategoria lima inklu mos imprestimu.

Husi osan  montante  biliaun$ 1.95  nee, ba imprestimu miliun $ 73,  nunee   Orsamentu Estadu hela biliaun $ 1, 887.

OJE neebe mak  sei fahe ba kategoria hanesan  salariu vensimentu millaun $ 241,271, bens no servisu millaun $ 738,428, transferensia publika millaun $ 457,773 , kapital menor millaun $ U$ 52,267  no  ba kapital dezenvolvimentu millaun $  459,260.

Antes nee Xefe Governu Taur Matan Ruak ba Jornalista katak, governu aseita retira proposta iha PN, nunee halo reazusta ba orsamentu 2020  hafoin aprezenta fila fali,  tanba deputadu sira iha PN preokupa ho  volume OJE 2020 no ezekusaun. Reportajen:Luciana Ximenes

Komentariu

Facebook Comments

Leave a Reply

Your email address will not be published. Required fields are marked *