Governu Dada Fila Proposta OJE

Governu Dada Fila Proposta OJE

- in Politics
40
0
O Presidente de Timor-Leste, Taur Matan Ruak fala aos jornalistas durante uma conferência de imprensa no âmbito da visita do Presidente interino deposto da Guiné-Bissau, Raimundo Pereira, em Díli, Timor-Leste, 16 de novembro de 2012. ANTONIO AMARAL / LUSAO Presidente de Timor-Leste, Taur Matan Ruak fala aos jornalistas durante uma conferência de imprensa no âmbito da visita do Presidente interino deposto da Guiné-Bissau, Raimundo Pereira, em Díli, Timor-Leste, 16 de novembro de 2012. ANTONIO AMARAL / LUSA

DILI-Governu deside dada fila fali proposta Orsamentu Jeral Estadu (OJE) 2020  iha Parlamentu Nasional, tanba  bazeia ba relatoriu Komisaun C neebe trata asuntu ekonomia no finansas, konsidera proposta orsamentu nee  mosu indisius balu implika ba inkonstitusional.

Desizaun nee Primeiru Ministru Taur Matan Ruak foti iha debate jeneralidade ba loron daruak, iha PN, Dili, Tersa (03/11/2019).

Taur hatete, deputadu sira preokupa ho volume orsamentu no mos nivel ezekusaun, tanba nee halo alterasaun depois aprezenta hikas fali ba iha Parlamentu Nasional.

Retira orsamentu, tanba primeiru kona ba volume orsamentu neebe boot, segundu kona ba nivel ezekusaun. Entaun sira hakarak halo alterasaun , ami aseita retira halo alterasaun, hodi reazusta orsamentu ida nee hodi aprezenta fila fali ba Parlamentu Nasional,dehan PM TMR.

Eis Prezidente Republika atual Primeiru Ministru iha governu da-8 nee hatete, tenke halo redusaun ba orsamentu Jeral Estadu 2020, tanba deputadu hotu hotu hakarak.

Nia dehan, maske redusaun orsamentu nee sei hamosu impaktu ba ekonomia, maibe buka nafatin solusaun hodi nunee   labele fo impaktu ba povu nia moris.

Sempre fo impaktu, maibe halo nusa mak ita zere para labele kompromete liu liu ba    atividade neebe liga ita nia moris no nasaun nia moris,nia hatete.

Entretantu hafoin deside retira OJE 2020 Primeiru Ministru Taur Matan Ruak promete sei aprezenta fali iha  loron 13 fulan Dezembru tinan 2019, nudar proposta foun ba audensia Komisaun sira iha PN.

Se ita iha tempu 13 dias atu diskusaun jeneralidade no espesialidade, nunee sei hatama iha 13 dezembru, nudar proposta foun ba audensia Komisaun sira iha PN,hatete Xefe Governu.

Iha parte ketak iha intervista Prezidente PN Arão Noe hatete, depois analiza ba relatoriu paraser komisaun C nian no komisaun sira sekluk, iha debate horsehik (Tersa red) dader too lokraik sujestaun husi deputadu sira kuaze maioria, husi bankada hotu, atu governu dada fila proposta de lei neebe sub-mete ba PN  tinan 2020 nian, hodi hadia mak lori mai.

Retira nee tanba iha razaun balu neebe mak presiza atu hadia,  iha mos razaun balu konsidera indisius bele iha inkonstitusinalidade no mos alokasaun orsamentu ba ministeriu balu ladun loos, tanba nee mak husu governu atu hadia fila falidepois mak hatam fali,hatete PPN Arão.

Nia esplika, haree ba kabementu legal tuir artigu 95 rejimentu numeru 2 hatete autor de lei bele dada fila fali too votasaun iha jeneralidade, tanba nee dalan sei atu dada fali,  autor da lei momentu nee mak PM Taur hanesan proponente.

Neebe  PM mos deklara retira fali proposta da lei nee relasiona ho preokupasaun no argumentu neebe deputadu sira koloka, tanba  governu liu husi PM konsidera depois retira, promote iha dia 13 Dezembru governu sei sub-mete fali ba PN.

Tuir nia katak, sei laimpaktu ba roda ekonomia tanba agora foin iha Dezembru neebe dia 13 agora governu lori mai fali. Tanba konsesus husi parte PN nian  husu ba governu atu retira hodi hadia fali. Em nome Parlamentu agradese ba governu, tanba husi governu mak retira PN labele haruka fila tanba nee lei lafo dalan.

PPN informa, artigu neebe iha indisius tama ba inkonstitusionalidade nia parte lakohi koalia, tanba PN laiha kompetensia atu dehan inkonstitusional, ida nee kompetensia Tribunal nian.

PN so bele hatete deit katak indisius balu, hanesan relatoriu komisaun C katak, iha indisius balu bele aplika ba inkonstitusionalidade, hatete PPN nee.

Nia haktuir tan katak, husi bankada kooligasaun husu governu dada fila proposta OJE nee, tanba opsaun atu hadia, neebe depois governu lori fila  mai fali mak sei haree  kalendariu atu debate fila fali.

“ Ho kestaun nee posibilidade bele hamosu fali duo-desimu iha Janeiru mai, tanba ita nia debate sei presiza aprezenta ba Prezidente Republika depois haree analiza bele akontese duo-desimu, hau haree esperensia mai nee iha Janeiru nee sempre uza duo-desimu , tanba ita aprova normalmente iha Dezembru depois haruka ba iha PR bele aprova i bele veta,” tenik PPN Arão.

Arão hatete, depois governu lori mai sei halo fali audensia hodi komfirmasaun ba ajustamentu nee iha parte neebe mak atu ajusta, tanba nee lapresiza audensia naruk.

Nia dehan, governu retira proposta OJE nee liga ba konstituisaun laiha problema i rejimental mos laiha problema, tanba iha artigu 95 numeru 2 rejimentu, iha konstituisaun lahetete buat ida.

Deputadu bankada PD, Adriano do Nascimento, husu ba governu no bankada governu iha Parlamentu Nasional, atu deside hamutuk hodi lori proposta lei foun OJE 2020 mai labele kontradisaun .

Ami husu ba bankada Governu atu deside hamutuk ho governu, hodi labele mai iha plenaria mak dehan inkonstitusional fali halo ami no povu konfuzaun, dehan nia.

Nunee mos deputadu Bankada PLP, Abel Pires, agradese ba governu liuliu Primeiru Ministru, tanba tane interese nasionál no Estadu hodi ho laran luak dada hikas fali proposta OJE 2020.

Kalendariu neebe Primeiru Ministru hatoo nee razoavel atu ita diskute no aprova ,molok tama tinan foun (2020), dehan Abel.

Entretantu, Ministra Finansa Interina, Sara Lobo Freitas, dehan, governu liu husi Primeiru Ministru deside ona atu submete fali proposta OJE 2020  ba PN iha loron 13 dezembru.

“Ami sei haree kada artigu iha proposta orsamentu nee no artigu balun ami sei elimina, nunee mos balun manten,”dehan Lobo. Guilhermina Franco/Lucia Ximenes

Komentariu

Facebook Comments

Leave a Reply

Your email address will not be published. Required fields are marked *