Governu   Apoiu Universidade Privadu

Governu   Apoiu Universidade Privadu

- in Edukasaun, Politics
90
0
download (4)

Editor: Godinho Barros

DILI- Deputadu sira iha uma  Parlamentu Nasional husu governu apoiu Universidade  privadu sira, tanba obrigasaun governu nian fo edukasaun ba joven.

Deputada Isabel Ximenes husi bankada UDT/FM dehan, governu apoiu universidade privadu sira nee liu husi subsidiu ou  salariu ba dosente sira.

Ida nee parte ida governu tenke apoiu, labele taka matan,  dehan Isabel liu husi audensia publiku  neebe halao ho Ministru Ensinu Superior, Siensia no Kultura  iha PN, Segunda (05/01/2019).

Universidade  privadu sira katak simu estudantes ho numeru boot no kuanze akumula joven sira gradua husi  ensinu sekundariu, tanba ensinu superior publiku hanesan UNTL  simu estudantes ho presentanjen nee kiik.

Nia informa Universidade publiku hanesan UNTL akomoda deit tres mil estudante, nunee iha estudantes lubun ida nee tenke kontinua estudu iha instituisaun privadu. Tan nee maske instituisaun privadu konsidera hanesan govenru no labele  anak tirikan   instituisaun privadu, enkuantu sira mak fo kontribuisaun makaas ba nasaun.

Iha fatin hanesan Deputadu CNRT, Domingos Lemos preokupa no husu governu  kapasita  instituisaun privadu sira atu bele akomoda estudante sira husi Munisipiu sira Aileu, Same, Ermera no Baucau.

Apoiu estudante hotu neebe mai Dili para eskola,  Universidade privadu iha Aileu, Ermera Baucau no Same, kondisaun sira nee presiza fo apoiu para hetan akreditasaun husi ANAAA, esplika Lemos.

Nune mos Deputadu Bankada PD, Antonio da Conceicão dehan, koalia kona ba kriasaun abilidade profisionais dezenvolve nasaun, setor ida mak hanesan instuisaun privadu sira impportante tebes.

Kaundu ministru dehan, hahu ona moderniza infra esturura iha Betano, ida nee tenke  halo duni no hatoo fundamentu ida ensinu superior ninia neebe atu orienta  ema nia abilidade tama iha kompetisaun merkadu. * Luciana Ximenes

Komentariu

Facebook Comments

Leave a Reply

Your email address will not be published. Required fields are marked *