Governasaun Inkluzivu Atinji Unidade Nasional

Governasaun Inkluzivu Atinji Unidade Nasional

- in Nasional
846
0
Bloku

DILI – Komprimisu politika Partidu FRETILIN (Frente Revolusionariu Timor Leste Independente) nian deklara katak, wainhira sira (Fretilin-red) kaer ukun mak sei kria governasaun inkluziva.

Tuir Reprezentante Programa Oficer AJAR, Inocencio Xavier katak, ida nee hanoin neebe mak diak husi Fretilin nian tanba sira hanoin ona oinsa atu hatur estadu ida nee ho partisipasaun ema hothotu nian.

Hau hanoin ida nee diak liu, nee katak bele realize ona prinsipiu unidade nasional iha luta rejistensia ita hamutuk, ukun rasik-an fahe malu, tempu ona Timor oan hamutuk,” dehan Inocencio ba jornalista sira iha nia knar fatin Farol-Dili, Kinta (13/07/2017).

Inocencio haktuir, maibe lasignifika katak governasaun inkluzivu nee buat ruma lalos nee ita taka ibun, lae, nee ita tenke hatete sai katak buat neebe los no buat neebe mak sala.

Eis Primeira Dama Timor Leste, Isabel Fereirra hatete, ukun neebe mak diak mak ukun neebe hamutuk atu bele valorize sidadaun hothotu, tanba Timor ita hotu nian.

Antes nee, Eis Prezidente Republika, Jose Ramos Hortae splika, hanesan eis prezidente no Nobel da Paz iha Timor Leste hanoin katak 7 governasaun neebe mak mai nee diak liu halo governasaun inkluzivu. Raimundo S. Fraga

Facebook Comments

Leave a Reply

Your email address will not be published. Required fields are marked *