Giovani Carrascalao Saleh

Giovani Carrascalao Saleh

- in Perfil
14168
0
Profil

Eng. Mario Viegas Carrascalao (Matebian) iha bei oan nain rua neebe bonito tebes. Ida naran Miguel Carrascalao Saleh no ida seluk ho naran Giovani Carrascalao Saleh. Miguel ho Giovani oan husi aifuan domin Sonia Dora Stoffel Cidrac Viegas Carrascalao no Ade Guiliano Saleh. Eng. Mario Viegas Carrascalao ho nia espoza Maria Helena Cidrac Carrascalao nia oan rua deit, mane ida ho feto ida. Mane mak Pedro Miguel Carrascalao no feto mak Sonia Dora Stoffel Cidrac Viegas Carrascalao.

Carrascalao nia bei oan nain rua, Miguel ho Giovani ninia talentu la hanesan. Miguel agora dau-daun servisu hanesan manajer iha nia aman nia Kompania Deliana Printing iha Bali. Miguel sai ema bisnismen. Maibe, Miguel nia alin Giovani hili dalan seluk. Giovani neebe moris iha Jakarta, 19 Outubru 2005, husi kiik tuir treinu atu sai pembalap kareta. Husi idade tinan 5, Giovani treinu ho nia aman halai kareta drift.

Fou-foun hau nia pai sei kous hau hodi kaer stir kareta drift. Maibe, bainhira hau to’o ona tinan 8, hau bele lori mesak kareta no treinu balap kareta drift. Agora hau fasil lori kareta balap nian nee no bele ona halai taru,” dehan Giovani ho lian Ingles no Indonesia.

Giovani agora daudaun eskola iha Dili International Scholl klase 5. Loron ba loron, depois sai husi eskola, Giovani nia servisu mak estuda no treinu kareta balap drift.

Ida nee hau nia hobby. Desportiva halai kareta drift nee hanesan sai ona hau nia hobby no servisu lor-loron nian. Hau mos hato’o obrigado wain ba hau nia inan-aman neebe apoiu hau nia talentu ida nee,” katak joven bonito ho zodiak Libra nee.

Maluk Timor oan tomak, ferik-katuas, jovens no labarik sira, hakarak hare ho matan oinsa Giovani ho ninia skill halai kareta drift ho pozisaun hakliis (kemiringan) no meluncur kleur. Labarik foin sae ida nee iha skill makaas atu adu ketangkasan iha sirkuitu laran. Mai asisti Dili Auto Show neebe sei realiza iha Sirkuitu Terra Santa Komoro, Dili, 15 Dezembru 2017. Nonton gratuitu.  Dili Auto Show nee hahu husi oras 08.00 – 17.00 OTL.

Aleinde hare halai kareta drift, penonton mos bele hare show motocross no hare kareta luxu, kareta antic no sel-seluk tan. Atividade sira nee realize serbisu hamutuk ho Federasaun Motosiklismu Timor Leste (FMC) neebe lidera husi eis Ministru Interior, Longuinhos Monteiro no Dili Auto Service (DAS).

Relasiona ho atividade desportiva halai kareta drift nian nee, Ade Guiliano, nuudar Prezidente Timor Bull Drift Team sei konvida lideransa Timor nian hanesan, Sekretariadu Estadu Desportu no Promosaun ba Kompetisaun Altu, Osorio Florindo da Conceicao Costa, Ministru Estranjeiru Negosiu no Kooperasaun, Aurelio Sergio Cristovao Guterres, Ministru Estadu no Konsellu Seguransa Nasional, Jose Ramos Horta, Ministru Defesa no Ministru Interior, Augustinho Sequiera Samotxo.

Alein de nee, katak Ade Guiliano, konvida mos midia nasional hanesan jornal, televisaun no radio sira atu halo kobertura Dili Auto Show nee.

SONIA Carrascalao ho Ade Guiliano fo apoiu sira nia oan nain rua nia hakarak hanesan ida sai ba bisnismen no ida ba desportiva halai  kareta drift. Oan nain rua nee la banati tuir inan-aman nia ain fatin nuudar ema neebe naran koñesidu iha mundu filme. Sonia rasik uluk foti rai Timor nia naran liu husi filme ida ho titulu “ Langit Kembali Biru”. Sonia husik nia mundu filme nee depois hasoru malu ho nia doben neebe uluk halao mos nia knar iha  mundu theater no eksekutivu kompania printing. Ba dahuluk Sonia hasoru malu ho Ade iha Aeroportu Cengkareng, Jakarta (Indonesia) bainhira atu friadu iha Bali.  Depois kontinua hasoru iha Bali no ikus liu sira nain rua  hola malu hodi forma uma kain. Mikael M.Mau

 

 

Facebook Comments

Leave a Reply

Your email address will not be published. Required fields are marked *