Gasta Osan Ba Dubai

Gasta Osan Ba Dubai

- in Economics
16
0
download

DILI-Governu gasta osan millaun 2 ba  Expozisaun iha Dubai, tanba komisaun  tetu  tuir regras no nesesidade neebe nasaun nee implementa.

 Asesor prinsipal MTCI, Jacinto Rigoberto hatete, Expo Dubai haree husi  preparasaun diferente tebes ho expozisaun sira seluk, hanesan iha Sanhai, Milanu, tanba Dubai  nasaun barak mak partisipa no nia fatin boot tebes.

Nia dehan, iha Dubai kustu aas , tanba nee ema hotu peokupa ho osan millaun 2 nee dehan boot, maibe ema hotu iha direitu atu koalia.

Ita nia povu no sosiedade sira bele preokupa, dehan expo nee gasta osan boot tanba nee atu dehan deit katak, bainhira governu atu aloka osan millaun 2  nee mos tetu hotu ona tuir nesesidade neebe  dubai iha, dehan Asesor Prinsipal nee ba Jornalista, iha Acait, Dili, Sesta, (29/11/2019).

Jacinto afirma  tan katak, preokupsaun povu nian nee atu dezenvolve uluk buat neebe Timor iha, maibe atu dehan katak, TL hanesan nasaun ida neebe avansadu  tan nee buka atu promove.

Nia dehan, karik atu lori turista mai vizita TL  tenke liu husi promove iha ema nia rai, karik la promove mak ema sei la hatene Timor nee  neebe no nia furak oinsa.

Hau hanoin atu promove nasaun ida ba nasaun seluk, tenke liu husi expo ida, hanesan mos expo iha Dubai neebe sai momentu neebe atu explora no promove potensial kada nasaun nian, tanba nee expo Dubai nasaun barak mak kompete,dehan nia.

Iha fatin hanesan Prezidente Camara Comersiu Industria TL(CCI-TL) Oscar Lima hatutan, expozisaun iha Dubai nee diak tebes, atu promove TL nia produ neebe iha, no expo ida nee setor privadu rai laran mos hetan konvite atu hola parte  iha expo Dubai.

Hau hanoin produtu neebe  TL atu lori ba aprezenta iha Expo ida nee, tenke produtu neebe  organiku, labele lori fali produtu kimia tanba expozisaun Dubai nee, nasaun hotu hotu partisipa iha neeba. Hatete Oscar.

            Nia dehan, agora setor privadu sira mos prepara hela produtu organik atu ba faan, hanesan kafe uut, budu tasi Mina nuu   no sira seluk neebe TL iha,”dehan Lima.

Maibe nee Oscar hatete, hanesan setor privadu tenke lao tuir programa governu nian, hanesan mos expo Dubai neebe konvida mos setor privadu sira atu lori  produtu ba faan iha neeba, tanba nee expo nee importante atu promove mos produtu neebe TL iha.

Antes  mos governu liu husi reuniaun Konsellu Ministru nomea,  Francisco Calbuadi Lay atu sai Prezidente Komisaun Organizadora hodi repzenta Timor Leste ba Expozisaun iha Dubai iha tinan 2020. Luciana Ximenes/Madalena Horta

Komentariu

Facebook Comments

Leave a Reply

Your email address will not be published. Required fields are marked *