GAM Tenke Tuir Lei

GAM Tenke Tuir Lei

- in Politics
295
0
download

Editor: Godinho Barros

DILI VIII Governu liu husi enkontru Konsellu Ministru aprova proposta rezolusaun Governu numeru 16/2013 10 Jullu bandu atividade Grupu Arte Mmarsiais.

Iha enkontru Konsellu Ministru, Xefe governu aprezenta  proposta revogasaun husi rezolusaun governu numeru 16/2013 loron 10 fulan Jullu kona ba  bandu grupu Arte mariais.

Diploma ministerial legal rasik instrui Polisia Nasional Timor Leste atu intendifika asaun kombate krime kona ba pratika ilisitu husi arte marsiais no arte ritual sira.

Governu husu  ba PNTL atu intensifika asaun sira atu kombate relasiona ho pratika ilisitu sira arte mmarsiais no arte rituais.

Saida mak hatuur iha rezolusaun nee dehan katak, arte marsiains sira bele pratika mais tenke kumpri rezolusaun, implementa ho vigor tuir lei numeru 5/2017,” dehan Ministru Reforma Lejislativa no Asuntu Parlamentar, Fidelis Magalhaes ba Jornalista iha Palasiu Governu Kuarta (19/02/2020).

Nia informa  rezolusaun governu konaba GAM sira nia pratika,  mais tenke tuir lei  maibe rezolusaun  antes nee bandu GAM  labele pratika.

Iha lei numeru 5/2017, iha neeba koalia  kona ba arma  branka no pratika (atividade) arte mmarsiais nian, esplika Fidelis.

Iha sorin seluk Deputadu Patrocinio Fernandes do Reis dehan, atividade arte martisiais neebe suspende ho rezolusuan parlamentu, mas governu iha razaun hasai fali rezolusaun ida nee tanba depois rezolusaun lei  numeru 5 kona ba arma branka nian koalia mos kona atividade arte mmarsiais.

Hau hanoin depois governu sei haruka mai  ami sei haree nia substansia, maibe agora dadauk hau labele halo komentaria bainhira hau seidauk haree rezolusaun nia konteudu lolos, tenik Patrocino.

Nunee mos Deputadu Joaquim do Santos konsidera hanoin governu diak tebes ba joven sira neebe iha tendensia ba arte mmarsiais. Tanba ida nee relasiona ho joven sira nia direitu hanesan sidadaun neebe proteje iha lei.

Ita so bele rezistensia sira nia direitu nee  kuandu viola konstituisaun ho leis fundamentais  sira  iha altura neeba oin seluk, agora kontestu oin seluk, nebe hau hanoin konstetu agora nee governu tenke bijaksana  garante sidadaun sira nia direitu,  protejidu iha lei konstituisaun, tenik Joaquim.

Nia sublina bankada Fretilin mos prepra ona peskiza ida  atu aprezenta projetu de lei ruma ba parlamentu para atu define situasaun hotu  kona ba arte mmarsiais laos halo rezolusaun deit ka dekretu deit mais diak liu mak halo lei tanba nee governu revoga ona rezolusaun anterior.

Nee diak liu ba sira, mas agora parlamentu  hanoin katak se bele transforma tiha rezolusaun nee ba lei tanba asuntu lubuk ida mak fundamental liga ho politika de deposrtiva presiza hatama iha lei tanba arte marsiais nee laos ba baku malu deit, esplika Joaquim.

Nia hatutan arte marsiais  laos atu halo tendensia ba negative, arte marsiais atu muda komportamentu ba diak, tan governu iha politika atu kontrola atetude arte marsiais ho regulamentu ho lei para sira mos bele kontribui ba dezenvolvimentu politika desportiva, tanba iha nasaun seluk bele fo rendiementu ba estadu. Rep: Luciana Ximenes /ESTI-01

 

Komentariu

Facebook Comments

Leave a Reply

Your email address will not be published. Required fields are marked *