GAM Labele Halimar Ema Nia Vida

GAM Labele Halimar Ema Nia Vida

- in Politics
65
0
download

DILI — Komandante Espesial Polisia (UEP), Superintendente Xefe Polisia, Afonso do Santos,  bolu atensaun  membru Grupu  Arte Marsiais sira atu la bele halimar ema nia vida ho rama ambon.

 Ami sei la tolera se deit, ami hetan kaptura depois halo prosesu  kuandu sira mak halo reazen hasoru Unidade Espesial, ami responde sei halo auto defeza, ami ekipamentu segredu barak, la presiza tiru, tiru ho kilat ba ami ikus liu. Unidade espesial iha kapasidade, bele uza maneira oin oin atu halo atuasaun ba ema neebe mak halo krime, kartus laos atu rezolve problema agora,” dehan Afonso ba Jornalista iha  Kuluhun Segunda (11/02/2019)

Nia hatutan  hanesan komandante Espesial husu ba komundiade tomak no eis Grupu Arte marsial A ga B,  hapara atividade no labele  halimar ema nia vida. “ Hau husu favor ida para ho atividade sira nee, la para ami sei la para, labele hamilimar bebeik ema nia vida, ema nia vida ita la bele halimar,   hanesan Komandante Espesial, hau husu ba komunidade tomak no mos ba arte marsiais A ga B,  hapara buat sira nee, agora nee tempu ita atu dezenvolve ita rai ida nee, tempu atu ita fo dame no paz ba iha ita nia komundiade atu halo sira atividade,” komenta Afonso.

Enkuantu iha sorin seluk Komandante Unidade Polisia Militar Major Niki dehan Unidade Polisia Militar   fo atensaun ba joven iha teritoriu Timor laran tomak  atu hakmatek. “ Ami fo atensaun ba joven sira iha timor laran tomak, atu hamaktek, lao karik labele lori sasan kroat.

Nia hatutan PM sei halo patruilamentu iha sidade Dili kuandu hetan ema ruma lori sasan kroat sei kaptura entrega ba polisia hodi prosesu. Operasaun nee laos haree deit ba grupu kriminozu arte marsiais, mas  se deit mak lao iha dalan lori katana, sei prende.

Antes nee Segundu Komandante Jeral PNTL,   Komisariu Polisia, Faustino da Costa dehan governu responde pedidu PNTL, tan nee  PNTL sei halo buat ruma tanba arma branka komesa lao makaas inklui arte marsial sira. “Ita (red Jornalista) akompana katak se  ohin ga aban (red sesta ou Sabadu) ami nia pedidu governu aturiza ami sei realiza buat ruma.Tanba nota katak, arma branka  sirkula makaas iha Timor Leste inklui grupu artemarsial sira neebe governu bandu no taka ona,” tenik Faustino

Segundu Komandante PNTL nee  afirma  , lei numeru 5/2017 aturiza PNTL atu forsa masimu kuandu labale ona atua situasaun. “Forsa masimu nee atu dehan saida,  ida ikus liu maneiras hotu hotu labele ikus liu mak uza kilat hodi tiru,” akresenta Faustino. Lucia Ximenes

Facebook Comments

Leave a Reply

Your email address will not be published. Required fields are marked *