Futuru Xina Domina Ekonomia TL

Futuru Xina Domina Ekonomia TL

- in Economics
224
0
download (36)

DILI-Setor privadu rai laran hasoru problema Impase politika, Xineza nia atividade nafatin lao, tanba nee ba futuru Xina sei domina ekonomia TL.

Preokupsaun nee hatoo husi Reitor  IOB, Augosto da Conceicão ba Jornalista Tersa (21/01/2020) iha nia knaar fatin Kampus IOB Fomento Dili.

Ita preokupa tanba setor hotu hotu nee depende makas ba osan estadu nian, tanba nee osamentu laiha maka atividade sei la lao, liu liu ita nia setor privadu rai laran, sira labele halo atividade, maibe Xineza nia atividade lao nafatin, biarpun situasaun nee ladiak oinsa mos, Xina nia atividade lao tan nee neneik Xina sei ukun ekonomia rai laran, dehan Reitor IOB.

Nia mos informa liu tan katak, uluk Bairopite konesidu ho Hudi laran, maibe agora sai tiha fali Xina laran, problema nee akontese tanba TL loke liu estasu ba ema atu tama sai, dala ruma ema mai ho Vistu Turista mos bele halo atividade iha rai laran, problema nee akontese, tanba governu laiha seridade atu kontrola.

Iha parte seluk Fundador Camara Comersiu Industria Timor Leste (CCI-TL) Julio Alfaro hatutan, merkadu TL nakloke liu ba ema atu tama sai, no seidauk rigorozu hanesan nasaun seluk, tanba nee Timor oan infrenta problema, maibe Xina nia atividade lao nafatin.

Ita preokupa atividade Xineza iha rai laran, maske Timor oan hasoru problema oin oin, maibe atividade Xina nian lao nafatin. Ba oin osan estadu nian atu halo prpzetu karik, tenke fo importansia ba Timor oan, labele kompana Internasional, atu nunee Timor oan bele halo fali buat seluk, sela maka aban bain rua Xina sei Domina Ekonomia TL, dehan Fundador CCI-TL nee.

Nunee mos membru CCI-TL, Fernando Maia hatutan, governu tenke kontrola atu nunee, labele fo espasu ba ema mai halo atividade iha rai laran.

“Ita haree problema neebe akontese iha rai laran, setor privadu rai laran hasoru krize finanseiru, maibe atividade Xineza sira nian lao nafatin, no aat liu maka Projetu neebe Xina sira kaer bain hira hotu, governu halo pagamentu ho lalais, maibe temi dehan Timor oan maka kaer, governu deve tinan ba tinan la selu, tanba nee maka bain hira Timor oan hasoru problema Finanseiru, maibe Xina nia loja loke nafatim sira nia material konsterusaun folin nafatin, tan nee ba oin tenke hadia sistema,”dehan nia.* Madalena Horta/Jacinta Siquera

 

 

Komentariu

Facebook Comments

Leave a Reply

Your email address will not be published. Required fields are marked *