Funsionariu ME 3 Hatan Tribunal

Funsionariu ME 3 Hatan Tribunal

- in Krime
215
0
download (41)

Editora: Domingas Gomes

DILI- Funisionariu Ministeriu Edukasaun nain tolu tenke ba hatan iha tribunal, tanba deskonfia komete krime administrasaun danosa ho pekulatu.

Krime neebe deskonfia, hanesan arguidu AS dekonfia komete krime rua   administrasaun danosa no mos krime pekulatu neebe previstu iha artigu 274 ho 295 husi kodigu penal.

Arguida DFPB deskonfia komete krime Pekulatu, neebe previstu iha artigu 295 husi kodigu penal.

Arguida IBPA deskonfia komete krime pekulatu, neebe previstu iha artigu 295 husi kodigu penal.

Arguidu nain tolu nee, deskonfia mos uza osan estadu hodi halo aktividade ministeriu nian, maibe narealidade arguidu sira utiliza osan nee hodi apropriadu ba sira nia interese, nomos fo prezuiju ba estadu kuaze $ 4.460,00.

Iha loron ida horiseik, tribunal hafoin halo indentifikasaun ba arguidu sira, prokurador subtitui husu ba tribunal atu halo adiamentu ba prosesu ida nee, tanba prokurador iha prosesu seluk atu halo julgamentu ho oras neebe hanesan.

Tanba neemak tribunal deside adia julgamentu nee ba fali loron 4 Fevereiru tuku 9:00 dader hodi rona deklarasaun arguidu sira.

Audensia julgamentu nee prezide husi Juiz Koletivu, Joao Ribeiro, Maria Solana, Maria Modesta, MP reprezenta husi Prokurador Jasinto Babo subtitui husi  Luis Hernany Rangel, arguidu sira hetan asistensia legal husi defensor publiku inklui mos Advogadu Privadu Pedro Aparicio.

Tuir akuzasaun husi ministeriu publiku katak, arguidu AS nudar funsionariu iha ME iha tinan servisu iha 2013 -2016 hanesan diretor jeral esinu sekundaria no tekniku vokasional iha ministeriu edukasaun.

Arguida DFPG  iha tinan 2014 servisu iha dirasaun jeral ensinu  sekundaria tekniku  vokasional iha ME, arguida IBPA nudar funsionariu kontratadu ba dirasaun Jeral ensinu  sekundaria tekniku  vokasional iha ME.

Iha fulan agustu tinan 2014 iha ME husi gabineti diresaun ESTV halo aktividade ba programa neebe implemeta iha eskola, iha timor laran tomak, atu realiza aktividade.

Maibe husi atividade nee, la realiza ho didiak, ikus mai hamosu prejuizu ba iha estadu.* Terezinha De Deus

 

Komentariu

Facebook Comments

Leave a Reply

Your email address will not be published. Required fields are marked *