Fundus Mina Hela Billaun 15.8

Fundus Mina Hela Billaun 15.8

- in Economics
589
0
Woodside

DILI – Too ona tempu governu atu halo poupansa ba osan estadu tanba, hare ba resetas husi Fundus Mina no gas, kada tinan kontinua menus, no agora hela deit ona Billaun 15.8.

Preokupasaun nee fo sai husi Diretur ezekutivu Luta Hamutuk, Mericio Akara ba STL, Sesta (17/03/2017) iha nia knar fatin Farol Dili.

Ita tenke halo poupansa ba osan estadu tanba, resetas husi fundu mina no gas hahu mihis dadauk no ita preokupa tanba sei dauk iha resetas seluk atu troka, resetas husi mina no gas, resetas tun tanba fator husi folin mina global neebe tun, produsaun Kitan para ona Bayu Undan loron ida produs deit 40-50 ribu barel maibe, nia grafiku nee tun nafatin no, governu iha tendensia foti osan boot,” informa Diretur Luta Hamutuk.

Nia mos informa liu tan katak, maske produsaun husi Bayunda kada loron 40 produs too 50 ribu barel, maibe grafik kontinua tun nafatin, no fator hat maka sei ameasa ba ezistensia fundu mina rai, no sei afeita ba dezenvolvimentu iha futuru mai tanba, resetas seluk neebe atu taka fundu mina rai nian nee seidauk dezenvolve diak.

Hau hanoin ita tenke halo poupansa dadauk ona selae maka, tinan lima mai ita sei hasoru krize finanseru iha rai laran, no preokupasaun ida nee ami hatoo bebeik ona ba iha, governu ho Parlamentu neebe bele deside futuru Nasaun nian iha tinan lima ou sanulu mai tan nee, tenke halo poupansa ona ba osan billaun15.8 nee,” informa nia.

Iha parte seluk Reprezentante povu iha Uma Fukun Parlamentu Nasional, Deputadu Arao Noe hatutan, hare ba osan husi fundu mina no gas tun dadauk ona maibe, sei la hamosu krize finanseru iha futuru mai tanba, agora produsaun sei iha, maske uituan deit maibe governu hahu diversifika ona fundus neebe iha.

Hau hanoin ita labele preokupa liu konaba osan husi fundu mina no gas mihis tanba, ita laos hatene gasta deit no,  iha tinan 2009 ita halo ona alterasaun ba lei hodi halo diversifikasaun ba fundus, no agora hetan tan ona  3 Billoens nee hatudu katak, ita komesa iha retornu hodi kobre ba gastus neebe iha,” informa nia.

Nia mos informa liu tan katak, preokupasaun sosidade Sivil nian, atu halo poupansa ba osan husi fundu mina nian nee diak, tanba sira interese nasaun ida nee atu labele monu ba krize finanseru iha rai laran, tan nee governu mos tenke hare oinsa bele poupa no gasta osan tuir planu neebe maka iha.

Nunee mos Deputadu Adriano do Nacimentu mos hatutan, osan husi fundu mina no gas nee hahu mihis dadauk ona, tanba nee governu tenke poupa atu nunee aban bain rua nasaun ida nee labele hasoru problema oin oin, liu liu hasoru krize finanseru iha rai laran. Madalena Horta

Facebook Comments

Leave a Reply

Your email address will not be published. Required fields are marked *