Fundasaun Patria Lansa Relatoriu, Xefe Suku Feto Eleitu

Fundasaun Patria Lansa Relatoriu, Xefe Suku Feto Eleitu

- in Metro
694
0
13159977_bYJzN

DILI–Organizasaun Non Govermental (NGO) Fundasaun Patria halo lansamentu ba xefe suku feto eleitu hodi hasae partisipasaun feto nuudar kandidatura potensial ba xefi suku no xefe aldeia eleitu iha tinan 2016.

Diretora Executiva Fundasaun Patria Laura Menezes Lopes informa ba STL, Kuarta (14/6/2017) iha Fundasaun Oriente. Tuir Laura katak, lansamentu relatoriu xefe suku feto no xefe aldeia feto neebe eleitu iha tinan 2016 liu ba. Ho objetivu atu reforsa kandidatura feto ba lideransa iha future.

Liu husi akividade nee bele realiza lori susesu signifika ba promosaun direitu partisipasaun politika feto, nuudar potensia kandidatura ba xefe suku. Kandidatura feto ba xefe suku no xefe aldeia iha tinan 2016 liu ba total ema 319 mak apresenta kandidatura hodi konkore ba pozisaun xefe suku  no xefe  aldeia.

Husi konkorente hirak nee feto 21 konsege eleita nuudar xefe suku entre suku 442, feto 84 eleitu nuudar xefe aldeia. Tamba nee mak tuir dadus kada munisipiu feto sira neebe eleita sai lider komunitariu, Munisipiu nain 4, Ainaro 1, Baucau 5, Covalima 1, Dili 3, Liquica 1, Manatuto 3, Manufahi 2, Viqueque 1.

Enkuantu husi munisipiu 4 hanesan hanesan Bobonaro, Ermera, Lautem, Oecusse laiha. Tanba nee mak ita konsege hasae persentangen feto xefe suku husi 2% ba 5%.

Nunee mos, Josefa do Santos da Cruz nuudar partisipante dehan, Fundasaun Patria hanesan enkorajamentu feto sira atu sai potensialidade ba kandidatura xefe suku no saida deit mak feto sira atu hola parte ba iha politika tanba iha ita nia nasaun laran nee feto sira minimu liu partisipa iha politika.

Hau hanoin liu-liu ba iha Fundasaun Patria, depois ba Rede Feto, ba iha Caucus ninian, oinsa  haree ba problema ida agora iha Timor, tanba agora ita haree feto neebe hola parte iha vida politika sei minimu liu,” katak Josefa.

Mais kestaun ida neebe ke agora liu-liu feto sira infrenta oinsa parte tolu nee organizasaun feto nian atu haree ba problema sira nee oinsa buka mekanismu atu akumula feto maluk sira para iha future mai feto sira mos partisipa iha numeru 1-2.

Ida nee rokomendasaun liu-liu ba rede feto sira nia servisu, tenki uza maneira oinsa atu ba munisipiu hotu-hotu. Atu halo kanpaña feto ba maluk feto sira iha munisipiu hotu-hotu no posto administrative. Fila fali ba feto sira nia servisu liu-liu Rede Feto, Caucus, Fundasaun Patria.

Nomos ba fatin nee sira kopera makas atu hodi hasae numeru ho porsentu sira para bele amenta tan potensia feto sira partisipasaun iha politika future mai,” Katak nia. EST-3

Facebook Comments

Leave a Reply

Your email address will not be published. Required fields are marked *