Fulan 6 Guarda Lorosae Seidauk Simu Salariu

Fulan 6 Guarda Lorosae Seidauk Simu Salariu

- in Politics
23
0
osan-pv

DILI-Guarda Loro Sae neebe maka durante nee tau hela siguransa ba iha sentral eletrika iha Munisipiu Liquisa, la simu salariu durante fulan 6 nia laran ona, tanba nee husu governu atu toma konsideirasaun.

Kestaun nee foti husi Reprezentante povu iha uma fukun Parlamentu Nasional, Deputadu Leandro Lobato, liu husi sesaun plenaria iha PN.

Ita nia guarda loro sae neebe maka durante nee fo siguransa ba sentral eletrika iha Munisipiu Liquisa, lamenta tebes tanba fulan 6 nia laran sira seidauk simu salariu, tan nee husu parte kompetente atu toma konsideirasaun, tanba ema sira nee mos presiza osan atu sustenta sira nia uma laran,” dehan Deputadu Leandro.

Nia mos afirma liu tan katak, problema konaba Guarda Loro sae sira nia salariu nee, foti bebeik ona iha Parlamentu Nasional maibe too oras nee parte kompetente sira seidauk buka solusaun atu rezolve, tanba guarda sira neebe ezersa sira nia knar iha servisu ida nee mos presiza tebes sira nia diretu.

Iha fatin hanesan Deputada Maria Angelica mos hatutan katak, problema konaba seidauk hetan pagamentu nee laos guarda Loro Sae deit maka hasoru iha baze maibe, iha seluk ida maka too agora estadu seidauk selu ema sira neebe ba halo tratamentu saude iha rai liur, liu liu pasiente sira neebe ba tratamentu iha Bali, fulan tolu ona sira la simu osan hodi han, tanba nee sira tenke ba debe iha warun Balines nian hodi bele sustenta fulan tolu.

Hatan ba preokupasaun nee Ministru Reforma asuntu Parlamentar, Fidelis Magalhaens hateten, problema konaba guarda loro sae seidauk simu sira nia salariu durante fulan neen nia laran, maka governu sei inkamina ba iha parte relevante atu rezolve lalais problema nee. Notisia kompletu lee iha jornal STL edisaun Kinta (08/11/2018). Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *