Fuan Moras, Fen Boot Rakut Feen Kiik Nia Oan

Fuan Moras, Fen Boot Rakut Feen Kiik Nia Oan

- in Nasional
401
0
TTD1

DILI- Arguida ho inisial AG hanesan fen boot, tenke ba hatan iha tribunal, tanba fuan moras rakut lezada ho inisial C, hanesan feen kiik nia oan.

Ba hahalok arguida AG nian, ministeriu publiku akuza nia hanesan autor ba pratika krime ofensas integridade fizika simples ho natureza semi publiku neebe previstu iha artigu 145 husi kodigu penal.

Hatan ba akuzasaun nee AG deklara, faktus balu loos no balu lalos.

Hau la rakut lezada nia fuuk, tanba lezada hanesan labarik kiik oan, tanba nee hau hasai deit lia fuan ida katak, o la sala maibe o nia inan mak sala,”dehan arguida iha sala audensia julgamentu.

nia deklara tan, hanesan feto nia sente fuan moras, tanba rona katak, nia laen nia oan mak lezada, tanba nee nia nervozu hodi tarata lezada nia inan, maibe lezada hanesan labarik kiik, arguida la tarata no baku.

Iha fatin hanesan, lezada nia inan Silvina dos Santos haktuir, bainhira fila husi servisu Maria Fatima mak konta katak, ohin iha eskola arguida ba rakut, doko lezada nia isin no tolok lezada.

Audensia julgamentu prezide husi juiza singular Ana Paula, Ministeriu Publiku reprezenta husi prokuradora Benvinda, no arguidu hetan asistensia legal husi defensor publiku Eustaquio Guterres. Notisia kompletu lee iha jornal edisaun Sabadu, (10/03/2018). Terezinha De Deus

Facebook Comments

Leave a Reply

Your email address will not be published. Required fields are marked *