FRETILIN Vota Kontra Proposta Aleterasun Lei No 13/2005

FRETILIN Vota Kontra Proposta Aleterasun Lei No 13/2005

- in Nasional
99
0
IMG_5712

DILI-Bankada FRETILIN iha Parlamentu Nasional vota kontra proposta alterasaun ba Lei No. 13/2005, kona ba Atividades Petroliferas, neebe deputadu balu husi bankada CNRT, PLP, KHUNTO, PD no UDT/Frente Mudansa hatoo.

Konaba proposta atu altera artigu neebe halo referensia ba Tratdu Fronteira Mritima asina iha loron 6 fulan Marsu tinan 2018, FRETILIN hare katak alterasun ida nee viola Konstituisaun RDTL nian, no mos Lei Internasional konaba tratadu FM nee, Timor Leste ho Australia seidauk ratefika, tratadu ida nee seidauk vinklu.

Iha proposta alterasun ba artigu 22, FRETILIN hare katak, proposta alterasun nee hakarak atu kontribui kompetensia ba Konsellu Ministru atu deside konaba partisipasun pessoa kolektivas publikas ka sira seluk iha aktividades petrolifeira iha Timor Leste, FRETILIN hare katak alterasun ida nee bele loke dalan ba grupu elite kiik ida deit iha Timor Leste mak sei sai riku liu tan no kontrola rikusoin Timor Leste nian.

Liu husi karta komunikadu imprensa neebe STL asesu iha Kinta (15/11/2018), Deputadu Antoninho Bianco husi bankada FRETILIN hatete, Alterasaun ida nee bele hamosu konluiu, neptozmu no loke dalan atu grupu kiik ida mak kontrola riku soin sira iha Timor Leste nian, tanba alterasun ba artigu ida nee mos, fo autorizasaun atu kontratu ba faan no sosa, akizasaun no transferensia sira iha aktividades petroliferas la sai sujeitu ba fiskalizasaun previa Kamra de Kontas nian, dehan deputadu Antoninho.

Iha fatin hanesan deputadu Fretilin Joaquim Boraluli hatete, alterasun ida nee ladiak ba Estadu TL, tanba halakon poder fiskalizasaun Tribunal das Kontas nian, no bele laliu Orsamentu Jeral Estadu nian.

Entretantu Vise-Prezidente Bankada FRETILIN deputadu Francisco Miranda Branco hatete katak, proposta alterasaun ba lei nee sei enfrakese prosesu transparensia iha governasaun, liuliu iha setor petroleu.Portantu transparensia signifika governasaun neebe nakloke, responsavel, no onestu. Informasaun kompletu iha STL Jornal, Edisaun Sesta (16/11/2018). Carme Ximenes

Facebook Comments

Leave a Reply

Your email address will not be published. Required fields are marked *