FRETILIN Sei Vota Kontra OJE 2019

FRETILIN Sei Vota Kontra OJE 2019

- in Nasional
110
0
osan

DILI-Bankada Fretilin sei vota kontra Orsamentu Jeral do Estadu (OJE) tinan 2019 nian, tanba orsamentu nee la fo benefisiu ba povu nia moris.

Liu husi Intervista Deputadu Francisco Branco hateten, liu husi proposta do lei orsamentu, agora iha ona bankada ida idak nia pozisaun, tan nee Bankada  Fretilin  hare no kuidadu tebes fator balun presiza hadia, tanba estadu TL depende deit ba fonte da resetas husi mina rai nian.

Ita nia estadu TL depende makas ba osan husi mina rai nian ho montante neebe boot tebes, no haree ba sustentablidade ba oin ho orsamentu boot hanesan nee ladun fo benefisiu ba povu kiik iha baze tan nee, Fretelin mantein ninia pozisaun no iha komisaun C mos ami nia pozisaun klaru ona katak sei vota konta Orsamentu,”informa Deputadu Branco ba jornalista Kuarta (05/12/2018) iha nia knar fatin PN.

Nia mos afirma liu tan katak, Fretin sei vota kontra, tanba orsamentu nee boot tebes maibe, governu ladun fo importansia ba setor Saudae neebe sei atende povu tomak nia moris, Agrikultura povu besik 70% maka moris hanesan agrikultor, maibe nia persentajen ba orsamentu nee 1% deit, esuksaun hanesan rekursu ida neebe importante nee iha deit 8%.

Tuir Branco katak, governu tenke dezenvolve makas iha setor edukasaun, atu nunee bele dezenvolve rai ida nee,  no TL labele depende nafatin ba ema liur maka atu mai sai asesor, no pozisaun estratejiku seluk hodi fo sosilia ba iha Ministeriu sira, tanba nee liu husi orsamentu neebe boot tenke fo kapasitasaun neebe diak ba Timor oan sira.

Iha fatin hanesan  prezidente Parlamentu Nasional Arao Noe hateten, Tuir ajenda neebe maka aprova ona iha reniaun lider bankadas katak, Primeiru ajenda koalia konaba ajenda dabate ninian hahu husi loron 6 fulan Dezembru (red ohin) iha jeneralidade neebe sei halao durante loron 3 hahu husi loron 6 no iha loron 7 too 9 nee feriadu tanba nee, kontinua fali iha  loron 11-12, no dia 13 kontinua fila fali too 22 Dezembru tama ba faze espesialidade nian e final global. Notisia kompletu lee iha jornal STL edisaun Kinta (06122018). Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *