FRETILIN Lori Programa Hakbesik Povu Laos Osan

FRETILIN Lori Programa Hakbesik Povu Laos Osan

- in Politics
992
0
Frente

DILI-Partidu istoriku FRETILIN lori politika no programa partidu nian, maka hato ba povu iha konsolidasaun, laos lori osan  hanesan ema seluk hodi hetan votus.

Koordenador Partidu FRETILIN Munisipiu Ermera atual deputadu bankada FRETILIN Antonio do Santos 55 hateten, Partidu FRETILIN ba halo konsolidasaun lori politika no programa maka ba hato ba militante sira, laos lori fali osan ba fahe no bosok militante sira.

Ami ba halo konsolidasaun hodi hato politika, no programa partidu nian ba militante sira, laos lori osan ba fahe ba sira lae ,” dehan deputadu Antonio ba STL iha PN, Dili, Kuarta (13/06/2017).

Nia dehan, Programa FRETILIN nian maka hanesan hare veteranus sira, tanba ohin loron veteranus sira sai vitima iha rai ida nee, uluk veteranus sira vitima, maibe ohin loron sira mos sai vitima nafatin, nunee sei hare oan kiak no feto faluk sira.

Ami  sei tau aas dignidade veteranus sira nian, para labele ba hadau malu besi rin lae,” dehan deputadu Antonio.

 Koordendor Partidu FRETILIN Postu Administrativa Nain Feto, Munisipiu Dili, Paulo Soares hateten, iha publika ema sempre doko rai katak FRETILIN nia ema barak maka afilia ba partidu seluk, maibe realidade ema ida rua deit maka halo afiliasaun.

Hanesan ema FRETILIN neebe forti diak liu hateke iha partidu laran, laos hanesan ema estres ba haksoit tun sae hodi buka kadeira,” dehan Paulo.

Hanesan komisaun politika partidu FRETILIN, Paulo hateten, mia sei hoo estrutura Munisipiu Dili nian esforsu servisu makas atu FRETILIN manan iha eleisaun 2017, hodi fila fali ba kaer governu.

Entretantu Jose da Costa hanesan observador nasional, Kanpania atu besik ona, tanba nee husu ba liderasan parpol sira atu eduka sira ninia militante halo didiak, atu nunee labele provoka malu iha tempu kanpania.

“Kampania besik ona, tanba nee ami husu ba lideransa Parpol sira atu eduka sira ninia militatante sira, para labele provoka malu iha tempu kampania,” dehan Jose. Carme Ximenes

Facebook Comments

Leave a Reply

Your email address will not be published. Required fields are marked *