FRETILIN Kestiona Kompania Monopoli Fornesementu Mina Ba EDTL

FRETILIN Kestiona Kompania Monopoli Fornesementu Mina Ba EDTL

- in Nasional
69
0
PN

DILI-Bankada FRETILIN iha Uma Fukun Parlamentu Nasional kestiona konaba monopoli iha fornesementu konbestivel ba Sentral Elektrisidade de Timor Leste (EDTL) Betano no Hera laliu husi konkorsu publiku, maibe ajudikasaun direita ba kopania ida mak Esperansa Timor Oan ( ETO).

Kestaun nee Deputadu Fabiao Oliveira husi Bankada FRETILIN hato liu husi deklarasun politika bankada FRETILIN nian, iha PN, Dili, Tersa ( 12/03/2019), deputadu Fabiao hatete, Iha kompania rua hanesan Esperansa Timor Oan ( ETO) ho SACOM Energia mak hetan kontratu hodi fornese konbustibel ba Sentral EDTL Betano no Hera.

Kompania rua nee kumpri sira nia knar no governu mos deve kompania rua nee miloens ba miloens, depois VIII governu liu husi Konsellu Ministru deside liu husi ajudikasaun direita ba kompania ETO hodi kontinua fornese konbustivel ba Sentral EDTL Betano no Hera, no kompania SACOM la kontinua.

Ida nee mak deskriminasaun ba seitor privadu iha Timor Leste, ita hotu hakarak labele iha monopoli iha fornesementu konbustivel ba sentral EDTL iha Timor Leste ,” dehan deputadu Fabiao.

Tanba nee deputadu Fabiao dehan, Governu tenke loke konkorsu fo oportunidade ba iha kompania sira hothotu atu bele partisipa konkorsu, se mak manan konkorsu mak bele fornese konbustivel ba sentral EDTL.

Iha fatin hanesan deputadu Antonio Verdial husi bankada KHUNTO hatete, Sekunda ho deputadu Fabiao nia deklarasaun nee, nudar deputadu iha Uma Fukun ida nee tuir informasaun neebe mak bankada KHUNTO rona katak, SACOM Energia mak deskarga hela Kinzi miloens dolar konbestibel iha Betano, no iha fulan Marsu dadaun SACOM Energia mos pronto atu hatama tan des Miloens litrus hodi kompleta kontratu neebe sei termina iha dia 20 de Marsu 2019. Notisia kompletu lee iha jornal STL edisaun Kuarta  (13/03/2019). Carme Ximenes

Facebook Comments

Leave a Reply

Your email address will not be published. Required fields are marked *