FRETILIN Kestiona Jerador 10 Resin Ahi Kontinua Mate

FRETILIN Kestiona Jerador 10 Resin Ahi Kontinua Mate

- in Nasional
100
0
PN

DILI- Reprejentante povu iha uma fukun Parlamentu Nasional, kestiona eletrisidade neebe kontinua mate lakan iha rai laran, tanba povu sira presiza hatene nia klarifikasaun, katak jerador hira mak oras nee funsiona.

Lamentasaun nee hatoo husi Deputadu Antonino Bianco, liu husi sesaun debate Orsamentu Jeral do Estadu 2019, neebe tama ona ba loron 7 iha Parlamentu Nasional, Kuarta (19/12/2018).

Hau hanoin Ministeriu tenke fo klarifiksaun klean ba ita nia povu sira, lolos nee ita presiza enerjia lolos nee hira, tanba ita nia jerador neebe maka iha nee, besik 20 ona  no jerador 20 nee ninia konbustive tinan tinan imi trasa nee oinsa, tanba haree ba ninia despeza boot liu fali despeza,” dehan Deputadu Bianco.

Nia mos afirma liu tan katak, publiku tenke hatene katak, jerador sira neebe maka iha nee, besik 20 no jerador sira nee balun maka servisu no balun kala toba hela, no sira troka malu deit maka 5 tanba nee resetas tinan tinan kompana ho despeza boot tebes.

Hatan ba Preokupsaun nee Ministru Obras Publiku, Salvador Pires hateten, jerador sira neebe maka iha nee, uza troka- troka atu nunee nia labele manas demais, karik la uza troka malu maka nia manas demais bele estraga hotu.

Nia mos afirma liu tan katak, Sentru Comoro la produs enerjia no sentru nee hari atu temporariumente fornese enerjia ba, kapital Dili tanba momentu neeba sentru Betano no Hera foin maka hari ninia konstrusaun. Informasaun kompletu iha STL Jornal, edisaun Sesta (21/12/2018). Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *