FRETILIN Fiar Programa Governu Pasa Iha PN

FRETILIN Fiar Programa Governu Pasa Iha PN

- in Nasional
175
0
PN

DILI-Reprezentante povu iha Uma Fukun Parlamentu Nasional husi bankada FRETILIN fiar katak, programa Governu VII Governu Konstitusional, neebe haruka ona mai meja Parlamentu Nasional, sei pasa iha diskusaun.

Deputadu bankada FRETILIN Antoninho Bianco fiar katak programa Governu VII Governu Konstitusional sei liu, tanba povu nia interese maka deputadu sira mai tur iha Parlamentu Nasional, laos partidu nia interese.

Hau fiar katak programa Governu VII Governu Konstitusional nee sei liu, tanba programa nee ba interese povu no Estadu nian, laiha programa Governu ida ke ba interese partidu ida no grupu ida nian,” dehan deputadu Branco, ba STL, iha PN, Dili, Kuarta (11/10/2017).

Programa Governu VII Governu Konstitusional tuir deputadu Antoninho katak, laos atu halo aat povu nia moris, tanba kualker programa Governu atu halo diak ba povu nia moris, no instituisaun Estadu nian diak liu tan.

Iha fatin hanesan membru Parlamentu Nasional husi bankada Khunto deputadu Agostinho hateten, Partidu tolu maka hola posizaun hanesan oposizaun iha PN neebe lahola parte iha formasaun Governu, estabelese bloku oposizaun ninian para oinsa halao nia knar importante  halo cek and balance kontrola sosial ba programa Governu VII Governu Konstitusional nian. Carme Ximenes

 

Facebook Comments

Leave a Reply

Your email address will not be published. Required fields are marked *