Francisco Substitui Deputadu Gilman

Francisco Substitui Deputadu Gilman

- in Politics
14
0
isabel_maria_b._f._ximenesb

DILI-Sekretariu Jeral UDT, Farncisco David Xavier Carlos, ofisialmente substitui Matebian Gilman Exposto do Santos, neebe  mate ona. Substituisaun nee realiza antes  debate OJE 2020.

Proposta subtituisaun nee lee husi sekretaria meja parlamentu nasional, Maria Viegas, neebe aprezenta husi prezidente Bankada UDT/FM Isabel Ximenes, antes debate orsamentu jeral estado (OJE) 2020.

Iha Proposta nee Bankada UDT husu ba Prezidente Parlamentu Nasional ho Deputadu sira, kona ba substituisaun ba Matebian Gilman Exposto do Santos nian. Tanba agora nee Ami nia deputadu Gilman la halao ona nia atividade hanesan babain, tanba nia fila hikas ona ba aman maromak nia kadunan santos, labele halao nia knar hanesan bain bain,dehan Isabel Segunda, (02/12/2019) iha parlamentu nasional.

Bankada UDT, submete pedidu nee atu subtitui Francisco David Xavier Carlos, hodi halao knar nuudar deputadu tuir lei haruka.

Primeru Ministru, Taur Matan Ruak, liu husi biban nee hatoo saudasaun ba Deputadu foun Francisco David Xavier Carlos, neebe ofisialmente substitui saudozu Deputadu Gilman Exposto do Santos.

Hau lori Governu da-8 nia naran, nomos hau nia naran rasik hatoo prefunda sentidus pezames ba Deputadu Gilman nia mate neebe kroniku tebes,dehan nia.

Nunee mos Bankada Fretilin, Deputadu Joaquim do Santos, husu ba Prezidente Parlamentu Nasional atu esplika kona ba substansia substituisaun nee, permanente ka provizoriu.

Karik substituisaun nee maka permanente, hau husu atu halo serimonia pose ba Deputadu Francisco David Xavier Carlos, dehan nia.

Prezidente Parlamentu Nasional, Arao Noe de Jesus hatete, Deputadu barak mate durante nee, nomos Deputadu sira mos akompania prosesu tomak. Tanba nee Substituisaun Deputadu Francisco David Xavier Carlos ba Saudozu Deputadu Gilman Exposto do Santos, sei laiha serimonia pose. ESTI 03

Komentariu

Facebook Comments

Leave a Reply

Your email address will not be published. Required fields are marked *