Francisco Dionisio Fernandes

Francisco Dionisio Fernandes

- in Perfil
6220
0
PROFIL Francisco

FRANCISCO Dionisio Fernandes alias Mau-Kura,  Timor oan neebe durante tinan hirak nia laran reprezenta  nasaun Timor Leste (TL)  nuudar diplomata iha Philipina no Thailandia. Konfiansa neebe nia simu husi Governu TL atu lori Timor ba mundu halao ho susesu.

Francisco moris iha Dili, 24 Juni 1974.  Oan husi Paulo Fernandes no Jacinta da Gloria. Nia mak oan mane boot husi maun alin nain hitu (7).  Husi maun alin nain 7 nee feto ida no mane ida fila. Uluk tempu resistensia nian, Materuin klandestina iha Dili no naran RENETIL nian ho naran Mau-Kura.

Background edukasaun formal, hahu eskola iha SD II Farol Dili 2. SMP II Comoro 3 no  SMU iha Santo Yosep Balide.  Akaba husi Fakuldade Eonomia Universidade Katolika Widya Karya Malang, Indonesia.

Edukasaun non formal hanesan, kursu diplomatik iha Dili, Kuala Lumpur (Malaysia), Nova Zelandia, Nova Yorke, Tokyo, Madrid, Spanyol, Bangkok, Thailandia no  Partisipa konferensia internacional sira.

Kona ba espriensia moris, Francisco esplika katak  iha mundu ema ida idak mai ho espriensia moris neebe diferente tebes. Ema balun moris mai la hasoru problema iha moris, no ema balun moris mai ho problema oin oin. Maibe problema sira nee sei la sai obstaklu ba moris ema nian.

Hau uluk sei kiik moris susar. Ho idade kiik hahu halo servisu ajuda inan-aman, hakiak animal fa’an sasan, ajuda  aman servisu iha sektor konstrusaun uma no ponte, tanba hau nia aman profisaun badaen,” dehan Francisco ba STL iha Dili foin lalais nee.

Husi eskola nivel Pre-Sekundariu no Sekundariu, nia hahu servisu buka osan hodi selu rasik nia eskola, no alin sira nia eskola. Aktividade nee halao to’o iha universidade. Iha eskola Sekundariu nia servisu ona iha Kompania Travel ho Tour Agent hodi fa’an ticket aviao no ajuda halo servisu guide turista.

Hau mak halo tradusaun ba lian ingles karik turista sira mai koalia. Hau gosta koalia lian inglesh. Hau aprende lian inglesh hahu husi eskola pre-sekundariu,” katak Francisco.

Francisco hahu servisu iha Ministeriu Negosiu Estranjeiru no Kooperasaun (MNEK) desde 8 Marsu 2002 too agorano servisu hanesan Asuntu Politika Multilarais ho nivel 4, no sai mos hanesan pontu fokal nasional ba Asunto Pais Menus Desenvolvidu ( Least Develop Countries) dala ruma Acting Director Multilaterais.

Iha 4 Abril 2007, nia ba estabelese Embaixada RDTL iha Manila (Filipinas) hodi hahu nia kareira diplomatika ho kargu Primeira Sekretariu Embaixada RDTL.

Iha fulan dezembru 2010 fila husi Manila, Filipinas.  Iha 6 Janeiru 2011 Asumi Cargu Directur ba Asuntu Kooperasaun Internasional, ate mandatu termina iha 24 Agustu 2013. Nune mos hahu 28 Agustu 2013, nia hahu fali servisu no halo misaun diplomatik iha Bangkok, Thailandia, hanesan Konseleiru no Acting Chefi Misaun iha Embaixada RDTL iha Thailandia husi 28 Agustu 2013 ate 18 Agustu 2016.

Desde termina servisu iha Bangkok, 3 Janeiru 2017, asumi fali kargu Directur Bilateral ba Asuntu Asia Osidental, Sentral no Sul ho knar jere Timor nia politika Diplomatik Bilateral ho China, Japao, Korea no India.

Nia esplika katak servisu iha Filipinas, konsege hametin relasaun entre nasaun rua, hanesan Filipinas no TL. Halo ema Filipinas koñese diak liu TL. Koordena no simu bolseiru Timor oan sira, eskola iha Universidade potensiais sira iha Filipinas.

Iha bangkok, durante nia mandatu, konsege promove TL iha kooperasaun oin oin, husi politika, ekonomia no sosiu kultura, interkambiu iha desportu Futebol, Presenza Thailandia visita mai TL, Presensa Thailandia fo apoiu ba TL liu husi sektor edukasaun, oferese Premiu Maha Cakri Award ba Profesor Timor oan neebe hamutuk ho profesor sira seluk husi nasaun sudeste Asiatiku.

Thailandia sira hahu koñese diak liu TL no mobiliza Jornalista Thailandia  nian mai vizita TL hodi halo kobertura hodi promove diak liu TL iha Thailandia,” tenik nia.

Tanba nee, nia senti privileizu no honra atu kontinua oferese buat ruma ba konsolidasaun Independensia TL nian, atraves knar neebe nia halo.

Vantazen boot no barak tebes halo nia kontinua aprende barak, bele koñese tan, nasaun seluk ho kultura seluk, estuda mos ema nia progresu no desvantazen maka kuandu servisu iha liur ou dook husi familia sira, saudades tebes ho TL.

***

FRANCISCO hanesan vitima mos ba ukun aan ida nee. Nia esplika katak uluk nia atu mate iha akontesementu 28 Outubru 1991. Bainhira ema asalta Igereja Motael, Saudozu Sebastiao Gomes, mate iha nia sorin. Nia mos atu mate iha 12 Novembru 1991 no atu mate mos iha tempu referendum 1999.

Nia husu jerasaun foun sira atu uza tempu didiak ba investe aan iha edukasaun ou ba sasan positivu hodi bele halo buat diak ba familia no ba TL.

Maromak sempre envolve iha ita nia moris, kontinua hanoin positivu no konstruktivu, kontinua estuda nafatin no labele hanoin problema hodi estraga dezenvolvimentu iha rai laran,”dehan Francisco.

Tuir nia haree, dezenvolvimentu iha rai laran hahu inisiu too agora lao diak, maski balun sei presiza atensaun husi governu.

Depois Referendum 1999, ita hahu husi akudezan, destruisaun total post pos referendu, infrastruktura basika hahu diak. Ita hare estrada balun hahu diak, estrada Dili ba Liquica diak, Dili ba Gleno diak, estrada balun konstrusaun kontinua lao hela, Instituisaun estadu nian funsiona diak, estabilidade politika no siguransa lao diak.

Eleisaun jeral hotu, situasaun kondusivu, desafiu sei barak, sektor investimentu estranjeiru hahu tama, Portu Tibar kontinua halo hela,” katak Francisco Mau-Kura. Madalena Horta

Facebook Comments

Leave a Reply

Your email address will not be published. Required fields are marked *