Foti Kareta Xanana MPIE vs DNPE

Foti Kareta Xanana MPIE vs DNPE

- in Politics
206
0
Kareta PN

DILI– Rumoris atu foti kareta Eis Ministru Planeamentu Investimentu Estratejiku (MPIE), maun Xanana ninia kareta sai preokupasaun mos ba entidades balun hodi tau iha kestaun, basa nuudar lider nasional no fundador nasaun.

Ho razaun nee, husi parte Ministeriu Planeamentu Investimentu e Estratejiku (MPIE) liu husi jestaun admistrativa no husi Diresaun Nasional Patrimoniu Estadu DNPE ida idak ninia fo deklarasaun neebe mak la hanesan hodi esklarese ba iha publiku.

Tuir Diretora Jeral Jestaun Administrativa MPIE, Flavia de Jesus Soares, iha loron lima foin dadauk nee, sira husi patrimoniu de estadu mai iha nee, atu halo verifikasaun ba kareta sira nee nia kondisaun diak ka lae. No iha segunda foin dadauk sira husi patrimoniu estadu telefone mai iha nee, responsavel lojistik nian dehan, sira atu mai foti Ministru nia kareta.

Hau dehan ba responsevel lojistika nee katak, kareta nee ita bele fo maibe tenke iha dokumentus ofisial ou pedidu ruma, atu mai foti kareta, ho nunee ita bele hasai termu de intrega. Karik laiha surat ofisial ruma maka, ita sei la fo tenke iha dokumentuss ofisial ruma,”dehan Flavia ba jornalista, Kuarta (11/10/2017) iha nia knaar fatin.

Nia mos informa liu tan katak, iha loron Segunda nee sira telefone, tan nee responsavel lojistika nee esplika klaru ba sira konaba prosesu neebe atu foti kareta. Katak sira tenke mai ho dokumentus ofisial ruma maka, bele foti kareta ida nee, no ida nee liu tiha la kleur, sira kontinua telefone tan fali mai hodi dehan, sira sei mai foti kareta nee iha tempu loraik no parte patrimonia do estadu nee sei mai ho sira seluk husi Konsellu Ministru maka atu mai foti.

Nia mos haktuir tan katak, razaun sira husi patrimoniu estadu atu mai foti kareta nee, tanba atu fo ba membru governu foun sira tanba kareta ba membru governu la too, no kareta neebe maun boot Xanana uza durante nee hodi halo servisu nee iha tolu, ida nia uza no rua seluk nia eskoltu maka uza, no kareta sira nee agora para hela iha MPIE.

Tuir Diretora nee katak, kareta tolu neebe maka maun uza durante nee mai tau hela iha nee desde fulan Jullu tempu kampana too agora eis PM nee la uza ona kareta nee, no kareta tolu nee mos lori ona ba iha oficina hodi haree kondisaun kareta diak hotu hela.

Iha parte seluk Diretora Diresaun Nasional Patrimoniu Estadu DNPE, Timotia Ponpeia Marques rezeita ho informasaun husi diresaun MPIE nian tanba, DNPE laiha koompetensia atu ba dada kareta estadu, neebe governu uza, ba halo servisu estadu nian. No atu dada kareta nee kompetensia husi Konsellu Ministru(KM),maka iha responsablidade atu atu foti kareta nee, no DNPE nia kompetensia maka atu halo verifikasaun hodi foti dadus.

Ami nia ekipa ida tun diretamenta duni ba iha MPIE, no nia ba haree kareta tolu maka falun metin hela, kareta nee katuas eis Ministru MPIE, Xanana Gusmao nian, maibe iha fali informasaun ida katak ami atu ba foti kareta eis Ministru MPIE nian nee la los,”informa Diretora nee.

Tuir Diretora nee katak, ekipa husi DNPE neebe tun ba haree kareta nee, konsege loke duni kareta nia lona hodi hare kareta nia Xapa matrikula, hodi foti dadaus  halo verifikasaun, no verifikasaun nee laos DNPE halo deit iha MPIE maibe kuaze halo mos iha Ministeriu sira seluk, no informasaun dehan parte DNPE atu ba foti kareta nee sei la los.

Nune mos Retor Institute Of Bisniss (IOB) Augusto da Conceicao Soares, hanesan akademika hateten, Maun Boot Xanana Gusmao nee nudar ema lider masimu nunee moos nudar lideres istoriku ida, nia uluk iha intensaun liberta rai ida nee, agora moos nia kontribui ba governu no nasaun neebe makaas realidade hatudu katak nia esforsu an nafatin atu lidera halo negosiasaun fronteira maritime TL ho Australia.

“Kareta nia folin la boot liu esforsu figura Xanana Gusmao nia neebe, ho intensaun nafatin atu luta no manan iha fronteira maritime,”informa nia. Madalena Horta

Facebook Comments

Leave a Reply

Your email address will not be published. Required fields are marked *