Fos Sufisiente, Povu Labele Paniku

Fos Sufisiente, Povu Labele Paniku

- in Economics, Politics
279
0
images (1)

Editora:Carme Ximenes

DILI– Stok foos iha armajen governu no armajen importador, sufisiente, tanba nee husu ba povu atu labele paniku ho informasaun neebe espalla hatete, fos importasaun latama ona iha rai laran.

Ministeriu Turismu Comersiu Industria (MTCI) hamutuk ho kompania importador sira, halo konfrensia imprensa hodi fo sai ba povu tomak, labele paniku ho informasaun neebe espalla katak, fos importasaun la tama ona  no iha armajen laiha.

Ami halo enkontru urjente ho ajensia distributor sira, liu liu kompania sira neebe durante nee, importa fos no aihan sira seluk husi rai liur mai TL, tanba nee atu fo sai ba publiku tomak katak, ita nia stok foos iha armajen governu no armajen importador, sufisiente  tan nee husu konsumedor no povu tomak atu labele paniku, dehan Ministru interinu MTCI, Fidelis Magalhães liu husi konfrensia imprensa, iha CCD, Tersa (17/03/2020).

Nia dehan, setor privadu hamutuk ho governu garante atu asegura situasaun saida deit, liu liu situsaun emerjensia Virus Covid-19, tan nee governu ho kompannia iha kapasidade atu responde ka augenta iha fulan hirak nia laran.

Governante nee haktuir tan katak, karik iha emerjensia prolongadu karik, setor privadu ka kompania importador sira nee sei hatama ai han hodi atende nesesidade povu nian iha rai ida nee, tanba nee husu ba povu atu labele hakfodak ho rumoris sira neebe lao iha rai laran.

Tanba tuir Fidelis katak, governu sei husu ba Prezidente  Republika atu deklara estadu emerjensia, konforme konstituisaun da republika estadu emerjensia nee nia iha duransaun no nia rekejitus iha durasaun.

Nia hatete, bain hira Prezidente  Republika deklara sei hatoo fundamentu sira ba iha estadu emerjensia nee no estadu emerjensia nee sei iha durasaun limitadu, mak loron 30 hotu halo renovasaun, tanba nee setor privadu iha kapasidade atu atende merkadu.

Hau hanesan Ministru Interinu MTCI aprova ona proposta akizasaun ba aihan atu bele jaga jaga hela ba iha situasaun refere, tanba nee iha armajen governu sufisienta no kompania importador sira mos garante katak stok sufisiente hela atu atende situsaun emerjensia mosu, tan nee ita servisu hamutuk ho setor privadu nasional sira, hodi garante stok iha rai laran, dehan Ministru  interino nee.

Tuir nia katak, estadu emerjensia neebe mak Prezidente  Republika atu fo sai nee, laos atu taka movimentu sasan nesesidade baziku neebe tama iha portu no fronteira, maibe movimentu nee sei taka ba ema atu labele halo movimentu tama sai.

Tanba nee Ministru nee dehan, sei halo redusaun ba movilidade ema, no laos redus movilidade sasan no roo bele lori sasan sira nee tama iha portu, maibe ema sei la tun husi roo laran, sasan mak tun,governu kria ona regra atu kontrola masimu iha portu Dili.

Iha fatin hanesan Prezidente Centru logistik nasional CLN, Augosto Junior hatutan,  CLN garante stok neebe iha, tanba nee atu hateten katak estadu prontu atu hasoru situsaun saida deit.

Hau hanoin ita nia stiok fos nasional iha armajen governu nian nee kuaze 700 tonelada, maibe ho dezastre naturais neebe akontese iha rai laran, situasaun emerjensia barak neebe iha  tanba nee ita iha tonelada 400 resin no governu aprova ona pedidu ida ba fos importasaun kuaze 3800 toneladas, Augosto hatete.

Nia dehan, CLN hamutuk ho kompania importador sira atu fo garante ba konsumedor sira no jaminan husi setor privadu sira katak, durante fulan rua ka tolu nia laran bele garante stok neebe iha.

Tanba nee  Augosto dehan, CLN prontu atu koopera nafatin ho setor privadu sira, hodi garante nafatin stok iha armajen hodi atede ba konsumedor sira nia presiza, tan nee laiha situsaun neebe defisil.

Etretantu kompania perissos, James Jong hatutan, stok fos iha armajen Perssos  ka Globus nakonu, tanba nee bele responde permintaan merkadu ka ezisensia merkadu nia.

“Ami nia stok iha armajen 6 nee nakonu no iha semana ida nee nia laran roo sei lori mai tan husi nasaun Indonezia, tanba agora ita importa fos husi indonezia, tan nee atu responde markadu rai laran nee, sufisiente hela,”dehan nia. Reportajen: Madalena Horta/Jacinta Siquera

 

Komentariu

Facebook Comments

Leave a Reply

Your email address will not be published. Required fields are marked *