Formulariu Extra F-FDTL Sei Distribui Iha QG Fatuhada

Formulariu Extra F-FDTL Sei Distribui Iha QG Fatuhada

- in Nasional
28
0
image002 (4)

DILI-Komisaun rekrutamentu F-FDTL desidi formulariu extra neebe atu distrubui ba iha kada suku sei fahe deit iha edefisiu ministeriu da defeza i Quarter Geral (QG) Falintil-FDTL Fatuhada Dili tanba kestaun lojistika no administrasaun.

Lia hirak nee hatoo husi segundu perzidenti komisaun rekrutamentu F-FDTL Nuno Carvalho dos Santos ba jornalista sira liu husi komunikadu imprensa neebe halo iha resintu Ministeriu da Defeza i Quarter Geral Das Falintil-FDTL,Fatuhada,Dili, Tersa (10/12/2019).

Klarifika ba publiku katak, formulariu extra neebe komando liu husi excelensias Chefi Estadu Maior General iha  4 de Dezembru 2019, neebe fo sai ona husi Chefi Estadu Maior General das Falintil-FDTL neebe fo sai ona iha 25 Novembru 2019.

Sei iha posibilidade atu aumenta formulariu ba sukus hotu iha munisipiu sira inklui rejiaun outonomu especial oecusse ambeno maibe tanba kestaun lojistika i administrativu no mos tempu komisaun simu ona orientasaun husi Chefi Estadu Maior General katak atu bele kontinua distribui formulariu extra neebe fo sai ona ba publiku iha resintu ministeriu da defeza i quarter geral das Falintil-FDTL fatuhada dili, Dehan Nuno

Nia hatutan, Hodi ministeriu da defeza no mos komando Falintil-Forsas Defeza Timor-Leste nia naran, komisaun da rekrutamentu Falintil-Forsas Defeza Timor-Leste hakarak atu klarifika i reafirma fila fali ba publiku konaba infornasaun neebe fo sai ona iha loron 25 Novembru 2019 atu fahe formulariu extra ba kandidatura sira ba iha kada suku tanba kestaun lojistika i administrativu no mos tempu komisaun simu ona orientasaun husi excelensia Chefi Estadu Maior General katak kandidatu sira bele mai foti formulariu nee iha resintu Ministeriu da Defeza I QG Falintil-FDTL Fatuhada Dili .

Konaba data atu distribui formulariu hahu iha 14 de dezembru 2019 oras tuku 8:45 dader too remata ba interesantes sira neebe la hetan formulariu iha idak-idak nia suku, katak Nuno

Nia akresenta liutan, husu ba joven timor oan feto no mane neebe iha fontade hakarak servi nasaun no povu rai doben ida nee liu husi fileiras forsas armadas Timor nia, bele hakat mai resintu ministeriu da defeza no QG Falintil-FDTL Fatuhada Dili hodi bele foti formulariu, antes atu mai foti iha ministeriu da defeza komisaun rekrutamentu husu joven feto no mane atu koko uluk lai kandidatura sira nia naruk ou bele hare tuir formulariu ou kriteria sira neebe maka komisaun hatun ona ba iha suku.tenik Nia . Crisogono Magalhães

 

 

Komentariu

Facebook Comments

Leave a Reply

Your email address will not be published. Required fields are marked *