Formadu Nain 10 Simu Sertifikadu, Husi SEPFOPE

Formadu Nain 10 Simu Sertifikadu, Husi SEPFOPE

- in Metro
385
0
ilidio-ximenes

DILI-Formadu nain 10 neebe tuir kursu konstrusaun sivil iha Kompania Tobishima  Japaun durante fulan ida, simu  sertifikadu husi Sekretariu Estadu Para Politika Formasaun Professional Empregu (SEPFOPE).

Serimonia entrega sertifikadu neebe realisa iha  Edefisiu Kompania Tobishima Comoro, Kinta (20/4/2017), entrega diretamentu husi  Sekretariu Estadu Para Politika Formasaun Professional Empregu Ilidio da Costa Ximenes.

Tuir Sekretariu Estadu Ilidio katak, Kompania Tobishima husi Japaun nia prezensa iha Timor-Leste (TL) halo Estrada ho Ponte Comoro-III. Tanba nee aproveita tempu fo mos kursu ba joven nain 10 kona-ba operador kaer makina Loder, Eskaptor durante fulan ida. Maibe konsidera tenpu formasaun nee lasufisiente ba sira aprende maibe, koko aprende tanba joven sira nee antes iha ona esperensia husi Centru Formasaun Tibar, Senai Bekora, Trainning Center.

Ohin ami mai iha Kompania Tobishima ho objetivu entrega sertifikadu ba formandu nain 10 neebe durante tuir kursu kona-ba konstrusaun sivil fulan da iha Kompania Tobishima,’’katak Ilidio ba jornalista sira hafoin entrega sertifikadu.

Tuir Ilidio katak, formandu nain 10 neebe dadaun simu ona sertifikadu. Nain rua (2) kompania kontratu hela sira. Nee duni sira nain rua  kontinua servisu iha Kompania Tobishima,  nain  8 seluk  SEPFOPE sei  buka dalan ba sira atu nunee bele hetan servisu.

Ilidio mos rekuinese katak, uluk SEPFOPE koopera ho kompania lokal balun fo kursu ba joven sira. Maibe, foin lao dalarua faila tiha, tanba ekipamentus laiha sira impresta deit.

Tanba nee mak SEPFOPE buka alternative seluk koalia ho Embaixador Japaun iha TL sobre  haruka joven sira tuir uluk formasaun depois  lobi  ho sira hetan ekipamentus.

Ekipamentus neebe Ministeriu Obras Publiku Transporte Komunikasaun (MOPTK) fo ba SEPFOPE tau iha Sentru Formasaun Tibar, dadaun kondisaun aat nee duni presiza hadia. Tanba nee mak SEPFOPE sei tau orsamentu oituan hodi hadia hikas ekipamentus sira nee.

Iha fatin hanesan Formandu Domingos Barros hatete, durante tuir kursu fulan ida iha sentru formasaun Kompania Tobishima kona-ba lori Eskaptor, Loder. Iha loron permeiru aprende teori loron rua, tama kedas pratika hodi Eskaptor, Loder suru rai-henek iha Mota Comoro hodi harii Ponte Comoro- III.

Ami nain 10 tuir kursu durante fulan ida, esperesia neebe hetan iha kursu sei aplika atu halo servisu kompania. Tanba ami nain rua, hau ho kolega ida kompania sei halo konstrusaun kontinua servisu iha nee,’’dehan Domingos.

Nunee mos, Project Manager Kompania Tobishima, Yuji Wakamatsu hatete, Tobishima kopera ho SEPFOPE fo kursu ba joven nain 10 tuir formasaun kona-ba konstrusaun sivil.

Ho objetivu oinsa prepara rekursu umanus atu hasae kapasidade no skil bele compete ba merkadu servisu.

Ohin sira nain 10 simu sertifikadu, tanba sira remata ona sira nian kursu durante fulan ida iha Kompania Tobishima,”katak Yuji.

Husi rejultadu kursu nee katak, Yuji, Kompania Tobishima konsege dada hela nain 2 husi sira nain 10, hodi fo kontratu ba nain rua kontinua servisu iha Kompania Tobishima. Josefa dos Santos/Joao Fatima/ Sonia Ferreira

Facebook Comments

Leave a Reply

Your email address will not be published. Required fields are marked *