Formadu IADE Hatudu Progresu Diak

Formadu IADE Hatudu Progresu Diak

- in Economics
6765
0
Aifuan Lecidere

DILI– Durante tinan lima nia laran Institutu Apoiu Ba Dezenvolvimentu Emprezarial (IADE), kapasita ona ema rihun ida resin, no husi fomadus sira nee hatudu fini vantajen diak, liu liu atividade negosiu neebe sira halo iha baze.

Kestaun nee fo sai husi Diretur EzekutivuIADE, Hernani Viterbo da Costa Soares, ba STL Tersa (10/09/2017) iha Timor Plaza.

Hau hanoin formadus sira neebe maka hetan ona formasaun iha IADE nee barak maka, hahu susesu dadauk ona liu husi sira nia atividade negosiu neebe sira halo, no joven sira laos hanoin deit buka servisu iha fatin seluk maibe, oinsa atu kria servisu ba sira nia aan, no kria mos servisu ba ema seluk,”informa Diretur ezekutivi IADE.

Nia mos informa liu tan katak, formasaun neebe maka IADE halo nee kada tinan kapasita ema besik 200 resin aplikantes neebe maka mai partuisipa iha eventu nee, no durante tinan lima nia laran ema besik rihun ida resin ona maka tuir ona kompetisaun, no rezultadu neebe maka IADE hetan, iha duni vantajen, joven barak maka hahu ho atividade negosiu neebe sira planea ona.

Iha fatin hanesan Vice Prezidente camara comersiu industria TL (CCI-TL) Rui Castro hatutan, hanesan setor privadu hatoo parabens ba IADE tanba durante nee, kapasita ona setor privadu no mos negosiu inovativu neebe maka lao dadauk ona iha rai laran.

Ami fo apoiu tomak ba servisu IADE nian neebe maka durante nee lao iha baze, no sira nia edukasaun provoka ema atu hola parte iha atividade negosiu, tanba nee sira nia dedikasaun hatudu dadauk ona rezultadu diak, iha baze tan nee hanesan setor privadu fo apoiu tomak,”informa nia.

Nunee mos Eis Ministru Ekonomia dezenvolvimentu Joao Goncalves hateten, estabeleseInstituto apoiu ba Dezenvolvimentu emprezarial IADE nee, iha ninia mandatu kedas too ohin loron, no agora IADE hatudu dadauk ona rezultadu neebe diak, liu husi sira nia esforsu tomak hodi kapasita setor privadu sira, inklui atividade negosiu inovativu. Madalena Horta

Facebook Comments

Leave a Reply

Your email address will not be published. Required fields are marked *