Formados 6 La Passa AP, Sei Tuir Ejame Oral

Formados 6 La Passa AP, Sei Tuir Ejame Oral

- in Metro
42
0
CENTRO_E_FORMACAO_JURIDICA_07

Dili-Formados nain neen neebe la passa ba iha kareira advogadu privadu, husi sentru formasaun juridiku e judisiariu, sei tuir fila fali ejame oral iha semana ida nee nia laran.

Lia hirak nee, hatoo husi Direktor Sentru Formasaun Juridiku e Judisiariu Antonino Gonsalves, ba STL iha nia knar fatin Kaikoli Tersa (12/02/2019).

Semana ida nee nia laran sira nain neen sei halo ejame, sei hein doutor Nelino hanesan juri neebe sai hela ho Ministru ba iha rai liur, nia sei fila mai iha Timor iha mos semana ida nee nia laran. Tanba nee sei halo ejame ba sira nain neen, neebe la passa, ”dehan Antonino.

Nia hatutan, formados nain hira neebe passa ona ba iha kareira advogadu, sira nia sertifikadu iha hotu ona, sira hakarak simu bele foti iha sentru formasaun. Maibe sira hakarak sertifikadu nee simu liu husi serimonia ruma, sira tenke hein sira nia kolega nain neen neebe sei tuir ejame rekopera nee.

Direktor nee esplika, maske formador nain neen sira nia kolega neebe passa ona, iha loron Sexta nee ejiji atu simu sira nia seritifkadu. Maibe la konsege foti, tanba iha enkontru ida, deside hodi hein fali sira nia kolega nain neen, maka bele simu dala ida.

Salienta tan, nia parte mos hateten ba advogadu sira neebe liu ona katak, se sira foti uluk sertifikadu la hein sira nia kolega nain neen, maka tomada da posse ba iha sira la iha ona. No nain neen neebe tuir ejame rekopera liu, maka bele fo tomada da posse ba sira. Notisia kompletu lee iha jornal STL edisaun Kuarta (13/02/2019). Terezinha De Deus

Facebook Comments

Leave a Reply

Your email address will not be published. Required fields are marked *