Formador Timor Oan Hatudu Kualidade Diak

Formador Timor Oan Hatudu Kualidade Diak

- in Metro
195
0
img_8975

DILI – Oras nee dadaun postu polisia tranzitu neebe  maka hari husi Sekretariu Estadu Politika Formasaun Profissional  e Empregu (SEPFOPE) liu formador neebe maka SEPFOPE produz  husi sentru formsaun sira, ida nee hatudu formador Timor oan sira iha kualidade diak.

Tuir Sekretariu Estadu Politika Formasaun Pofisional  Empregu, (SEPFOPE) Ilidio Ximenes liu husi nian intervista hateten liu husi SEPFOPE entrega postu polisia neebe maka halo husi SEPFOPE liu estudante sentru formasaun sira no ba obra nee rasik ofisialmente entrega ona ba PNTL husi Unidade Polisia Tranzitu atu uza .

Ita nia estudante sira husi sentru formasaun halo postu tranzitu desde uluk no ohin sira finaliza ona obra nee ho diak no entrega ona ba iha parte ministeriu interior liu liu ba PNTL unidade tranzitu atu uza” dehan Ilidio ba jornalista sira hafoin remata seremonia inagurasaun Postu Polisia iha Comoro, Kuarta (19/4/2017).

Nia dehan ba obra neebe maka estudante sentru formasaun sira halo nee atu koko kualidade formador sira durante sira tuir formasaun iha sentru formasaun sira no ohin liu husi obra nee parte SEPFOPE no suporta.

Tamba sira hatudu ona kualidade liu obra neebe maka estudante sentru formasaun sira no ho ida ita presiza promove sira nian kualidade neebe maka sira rasik hatudu ona,” dehan nia.

Governante nee mos hateten ba joven formador sira hatudu ona kualidade liu husi obra hirak hanesan postu polisia neebe maka sira halo iha tinan kotuk no tinan agora konsege halo postu polisia neebe maka diak.

Ita presiza dignifika ita nia formador sira, tamba husi postu polisia neebe maka total haat neebe maka halo ona inklui  postu polisia tranzitu ida iha munisipiu Baucau,” dehan nia.

Nia realsa ba postu polisia tranzitu iha lider Comoro nee halo ho osan montante seis mil nee ba kiik no ba postu polisia neebe maka boot nee doze mil no medida uma postu tranzitu nee maka seis por seiz.

Nia husu ba joven sira tenke kuidadu fasilidade publiku neebe maka iha ona no hatudu konsensia hodi hadomi fasilidade neebe estabelese ona tamba akontese dala barak ba buat hirak neebe maka ita rasik hari ema balun la iha konsensia hodi estraga neebe maka hatudu ona postu polisia iha Bairo Pite nian no Colmera.

Iha fatin hanesan segundu komandante PNTL Munisipiu Dili, Superintendente Asistente Euclides Belo ba postu polisia neebe maka ohin inagura nee sei prontu uza tamba SEPFOPE ofisialmente entrega ona ba PNTL.

Ami sei koloka membru polisia tranzitu iha area Comoro tamba movimentu iha area nee boot no presiza duni,” dehan Euclides.

Iha fatin  hanesan  Direktur jeral servisu  koperativu  Ministeriu Interior (MI) Guelerminha nia parte senti kontenti tamba dala ida tan  husi SEPFOPE bele entrega tan uma ba MI hodi ba PNTL unidade tranzitu atu halo servisu.

Hau husu ba polisia tranzitu no ema hotu tenke kolabora hamutuk hodi tau matan ba fasilidade neebe maka oferese ona bele halo knar fatin ho diak,” dehan nia.

Ba postu polisia tranzitu neebe maka lokaliza iha lider ohin Comoro hetan inagurasaun husi SEPFOPE Ilidio Ximenes representante Komandu PNTL superintendente xefe Mateus Fernandes, Polisia komandu PNTL representa husi segundu komadante PNTL munisipiu Dili  superintendente asisitente  Euclides Belo, komadante tranzitu nasional  Valente. Partisipa iha seremonia inagurasaun nee Direktur Jeral servisu koperativu Ministeriu Interior (MI) Guelerminha formador sira neebe maka halo obra nee no direjentes SEPFOPE tomak inklui entidades seluk. Iha semonia inagurasaun entrega mos sertifikadu ba formador sentru formasaun Becora.`

Latolera Ema Kriminozu

Segundu komandante PNTL Munisipiu Dili, Super intendente Asistente Euclides Belo dehan PNTL sei latolera ema krimininozu.

Sedeit mak halo krimi, polisia sei la uza fuan no sei kontinua kaer hodi halo prosesu tuir lei neebe haruka.  PNTL sei la uza fuan ba ema neebe maka halo krimi polisia sei lori hodi halo prosesu tuir lei,” dehan Euclides.

Nia hatutan ba ema neebe maka halo krimi nee polisia sei kaer hodi halo investiga no iha investigasaun maka sei hatudu ema nee los ka sala konforme tuir investigasaun identifika maka sei  hatudu.

“Ita hotu sei tuir investigasaun maka sei determina, katak ema nee los ka sala ida nee maka polisia nia papel neebe maka halo no polisia sei la detein ema naran deit,” dehan nia. Natalino T.da Costa

Facebook Comments

Leave a Reply

Your email address will not be published. Required fields are marked *