Formado Ida, Sei Simu Posse Juis Estajiadu

Formado Ida, Sei Simu Posse Juis Estajiadu

- in Metro
44
0
CENTRO_E_FORMACAO_JURIDICA_07

Dili- Formados ba iha area juis nian, iha nain tolu neebe halao hela estajiu iha Tribunal Distrital Dili. Maibe husi konselu pedagojiku deside ona, iha formado ida sei simu tomada da posse hanesan juis estajiadu, iha tempu badak.

Tuir Direktor Sentru Formasaun Juridiku e Judisiariu Antonino Gonsalves hateten, liu husi reuniaun neebe iha, deside ona husi formados tolu neebe halo hela estajiu, ida sei simu tomada da posse hanesan juis estajiadu. No rua seluk, sei prolonga sira nia estajiu.

Estajiadu ida abtu ona hodi sai hanesan juis estajiadus, tuir relatoriu husi formador nee rasik hatoo mai, iha konselu padagojiku ami deside tuir nia aktu. Rua ida feto tanba partus, interompe nia estajiu, formador mos aprezenta dehan nia la iha tempu iha momentu neeba, tanba iha inspesaun nia laran. Tanba nee nain rua prolonga tan, ”dehan Antonino ba STL iha nia knar fatin Kaikoli Tersa, (12/02/2019).

Nia hatutan, nain rua liu husi enkontru pedagojiku, deside hodi  prolonga tan sira nain rua nia estajiu ba iha fulan tolu, too ba iha fulan Abril. Depois remata husi fulan neeba, maka formador sira hatoo relatorio, depois maka konselu pedagojiku deside, atu sai hanesan juis estajiadu ka lae.

Gonsalves dehan, juis estajiadu nee sei simu tomada da posse iha tempu badak, maibe tribunal rekursu maka sei deside hodi fo tomada da posse, atu nia bele halao nia knar hanesan juis estajiadus.

Nunee hanesan juis estajiadus, nia mos bele halao julgamentu ona, ba kazu kiik sira neebe iha. Maibe formador nain rua seluk, tenke hein lai atu kompleta sira nia estajiu ba fulan tolu nee. Notisia kompletu lee iha jornal STL edisaun Kuarta (13/02/2019). Terezinha De Deus

Facebook Comments

Leave a Reply

Your email address will not be published. Required fields are marked *