FONGTIL Husu Sidadaun Hotu Koopera ho MS no WHO

FONGTIL Husu Sidadaun Hotu Koopera ho MS no WHO

- in Metro, Nasional
262
0
3057c7263d5a3eeb0445542e2c2e6982_w340_h250_cp

Editor : Crisogono Magalhães

DILI– Forum ONG Timor-Leste (FONFTIL) husu entidade hotu atu koopera ho Ministeriu Saude ho World Healt Organization (WHO) hodi luta kontra epedemia Corona Virus.

Kestaun nee hatoo husi Diretor Ezekutivu Forum Organizasaun Naun Govermental Timor-Leste (FONGTIL), Daniel Santos do Carmo, ba jornalista sira liu husi press release ba jornalista sira iha nia knaar fatin, Caicoli, Dili, Domingo (22/03/2020).

Timor-Leste laos ona estadu neebe livre husi Corona Virus, ita povu Timor-Leste, ita Timor oan sira mos la livre ona husi epidemia virus Corona, hafoin Ministeriu Saude Timor-Leste detekta no halo ona konfirmasaun publiku, katak iha Timor-Leste iha ona kazu ema nian I mak hetan infesaun husi Corona Virus no dalaruma numeru kazu sei aumenta wainhira ia lakohi apoiu malu atu luta kontra epidemia Corona Virus, dehan Daniel

Nia dehan, Ita hotu rekonhese katak, ita nia faselidade, saude, rekursu humanus limitadu los maibe, ita la persiza atu dun malu iha situasaun ida nee, no situasaun ida nee ejije Timor Oan hotu nia responsabilidade atu tau forsa hamutuk hodi luta hasoru epidemia Corona Virus iha ita nia rain. Maske iha rai seluk epidemia virus corona afeita ema barak maibe husi numeru nee kuaze barak liu mak konsege rekopera husi epidemia Virus Corona signifika maske laiha aimoruk atu kura maibe kuandu ita iha imunidade seguru ou diak bele rejiste hasoru Virus refere tanba nee mai ita hotu sensibiliza malu atu halo tuir meius prevensaun tuir padraun nebe MS ho WHO introdus.

Iha biban ida ne’e FONGTIL hakarak agradese no apresia ba WHO tamba bele ajuda guvernu liu husi MS hodi halo preparasaun tekniku iha prosesu kampana sensibilizasaun ba prevene epidemia Virus Corona iha Timor-Leste, FONGTIL husu ba maluk Timor Oan hotu atu fo apoiu maximu ba servisu no esforsu Ministeiru Saude Timor-Leste nian atu luta kontra epedemia Corona Virus tamba ita nia Ministeriu Saude ho ita nia Doutor no pesoal Saude sira mak hatene liu atu ajuda ita prevene no kombate Corona Virus, hatete Diretur Ezekutivu FONGTIL

Nune’e hakarak husu ba maluk Timor oan sira hotu:

  1. Atu fo apoiu maximu ba servisu no esforsu Ministeiru Saude Timor Leste nian atu. luta kontra Epedemia Corona Virus tanba ita nia Ministeriu Saude ho ita nia Doutor no pesoal Saude sira tanba sira mak hatene liu atu ajuda ita prevene no kombate Corona Virus.
  2. Husu maluk Timor oan sira hotu-hotu, joventude no inan aman sira, komunidade sira hotu atu labele Boikota desizaun Ministeriu Saude nian hodi estabele fatin estabelese fatin karantina, ba ita nia maluk sira neebe deskonfia hetan ona infesaun, mai ita hotu hatoo solidaridade ba malu hodi evita Epidemia Virus Corona hadaet ba iha komunidade no hadaet ba ita nia aan rasik
  3. Husu ba maluk Timor oan sira hotu atu lalika hakfodak no labele paniku ho ameasa husi Epidemia Virus Corona, tanba paniku perigu liu Virus Corona. Ho paniku no tauk ita sei la kuidadu aan no la kuidadu ita nia familia
  4. Husu MS atu seriedade aplika desizaun konaba obrigatoriu halo karantina ou izolamentu ba maluk Timor oan sira neebe mak foin ila husi rai liur tuir padraun 14 dias.
  5. Husu ba MS no WHO atu halo teste masal ba publiku nunee bele prevene Epidemia Virus Corona hodi labele hadaet ba ema seluk no MS tenki seriedade kompleta faselita ba pessoal saude HNGV, Hospital Referal, sentru saude no postu saude sira iha Timor laran atu nunee pessoal saude sira bele halo servisu ho seguru ba atende pasienti neebe iha sintomas Epidemia Corona Virus.
  6. Husu ba MS atu lalais estabelese laboratorium ba teste DNA ba pasiente nebe iha Sintomas Epideniia Corona Virus iha Timor-Leste nunee bele la-lais hatene nia rejultadu.
  7. Husu ba ministerio edukasaun atu hola desizaun hodi suspende temporaria atividade aprendizagen iha eskola hotu hodi evita Epidemia Virus Corona labele hadaet.
  8. Husu ba komunidade atu labele halo diskriminasaun ba ita nia maluk sira, Timor oan ka laos Timor oan neebe deskonfia hetan infesaun husi Virus Corona tanba ita nia inimigu no mundu nia inimigu mak Epidemia Virus Corona, laos ema.
  1. Husu ba Presidente da Republika, Parlamentu Nasional atu halo ona desizaun implementa estadu emergensia nunee bele limita liberdade sidadaun nia iha atividade hotu-hotu neebe envolve ema barak nune bele kontribui ba prevene no evita Virus Corona hadaet husi ema ba ema.
  2. Husu ba media hotu nebe halao nia papel iha Timor-Leste, atu kontrıbui ho diak husi transmite informasaun neebe lolos no kredivel ba publiku iha prosesu tomak nebe MS ho WHO hasai nune evita paniku husi komunidade.
  3. Husu ba guvermu atu halo koordenasaun integradu ho ministerio relevante atu prevene no asegura katak nesesidade baziku iha merkadu seguru ba komunidade no evita jogu manipulasaun ba presu nesesidade baziku.
  4. FONGTIL mos apoiu desizaun guvernu konaba lokalıza Roo iha zona internasional tuir lei azilu no imigrasaun hodi fornese nafatin nesesidade baziku ba Timor-Leste.
  5. Ami afirma ami nia apoiu laiha rezerva ba Ministeriu Saude Timor Leste, ba Ministra Saude, ba DoUTOR no pessoal saude sira hotu, organizasaun mundial saude ho ekipa Servisu SAUDE tomak atu kontinua, la para, servisu makaas hodi hasees Timor oan sira husi epidemia Virus Corona.

Nunee, mai ita Timor oan hotu-hotu hamutuk, luta hasoru invazaun Corona Virus, hu husi ita nia Unidade iha asaun no ita nia koletividade iha intervensaun, ita tenke rona malu, labele hein deit MS mak halo nia papel maibe papel familia mos importante tanba kuaze sistema saude mundial tomak la konsege eradika virus ida nee, konfia ita nia aan no ekipa servisu ministeriu Saude nian, la hakfodak no la tauk, nafatin kalma no kuidaduaan.

Reportajen : Crisogono Magalhães

 

Komentariu

Facebook Comments

Leave a Reply

Your email address will not be published. Required fields are marked *