Fokupers Halo Doasaun Ran

Fokupers Halo Doasaun Ran

- in Metro
1344
0
hospitalnacionalguidovaladaresdoben-615x347

DILI– Komemora aniversariu ba dala 20, Fokupers hamutuk ho Hospital Nasional Guidu Valdares (HNGV) halo doasaun ran iha Timor Plaza.

Tuir diretora Exekutiva Fokupers, Marilia da Silva Alves hateten, objetivu ba aktividade ida nee atu komemora loron aniversariu ba dala rua nulu (20).

Ami nia tema ba tinan 20 nian mak feto saude, atu hanoin hikas fokupers wainhira harii ho worshop ida kona ba saude produtiva. Entaun aktividade ida ohin nee hanesan aktividade sosial atu tulun ita nia maluk seluk mak presija ran, entaun ami halo doasaun ran atu oinsa liu-liu tulun maluk sira nebe presija,” dehan Diretora Marilia ba Jornalista sira iha Timor Plaza, Tersa (11/072017).

Nia hatete, saude ran nee kopera hamutuk HNGV liu-liu unidade departamentu Banku de Sangue ninian. Molok atu hasai ran sei halo teste ba saude no sei haree ba ema nia kondisaun nee bele duni ga lae. Ran neebe banku de sangue hasai sei ba halo tes iha laboratorium atu hodi bele hatene ema nee nia ran diak ga la diak, nemak rona fali rejultado. Ran neebe oferese husi sosiedade Sivil, komunidade, estudante no sira seluk hamutuk 30 pesoas.

Nunee mos Premeira Dama Cidalia Novre Guterres iha avertura hateten, nia hakarak hatoo agradese ba fokupers neebe konvida nia mai partisipa iha lansamentu ba selebrasaun aniversariu fokupers nian ba dala rua nulu (20).

Doarasaun ran hanesan aktividade social nebe inportante atu bele fo apoio ba maluk sira nebe mak presija. Tanba ran menus ema ida kuando presija liu-liu atu feto sira atu partus labarik ruma, ran kuandu menus la hare ba ema nee boot ka kiik, ema nee riku ka kiak,   ema nee nia kargu boot ga lae maibe ran nee inportante tebes. Tanba ran turuk ida salva ema nia vida, tanba nee ita Timor oan tenke hadomi malu ita bele lakoinese malu maibe nia ran ho ita nia ran hanesan iha situasaun difisil nia bele salva ita nia vida,”dehan Cidalia.

Yasinta Lujina hanesan oferese ran hateten, preimeira ves nia hola parte iha doasaun ran, tanba ho esperiensia iha nia moris nee dala tolu ona.

Hau mos simu ran husi ema seluk wainhira hau iha profetu ida presija ran tenpu hau tur ahi no hau mos iha esperensia wainhira hau nia oan mos moras nebe mak presija tebes ran ida nee mos motivasaun nomos buatida nebe mak fo duni esperitu mai hau bele mos Hau iha kondisaun diak bele kontribui fali fo ran ba ema seluk nebe presija hanesan mos iha tenpu nebe hau presija,” tenik nia.

Nia hatutan tan, kondisaun primeiru “hau tenki hatene katak iha hau nia fisiku pronto duni atu bele ho doarasaun ran ida nee dalam arti katak hau nia saude permiti duni hau atu bele fo doarasaun ran.” Nemak ohin husi parte mediku halo ona ezame teste, atu hare ita nia tensaun sekarik alta ka lae. Nomos hare ba ita nia todan nebe mak ita iha, depois mos sira sei tulun iha protestu ita nia ran laran karik iha moras ruma sira sei informa. Sekarik ran nee utiliza tanba ho kondisaun diak ou lae sira sei informa.

No ida nee mos bele benefisiu ida mai hau atu komesa agora hau bele hatene katak hau iha moras ruma hau bele hatene antes duke depois akontese kleur iha hau nia isin laran. Sekarik hau nia kondisaun diak hau nia raan nee bele tulun ema seluk. EST 3

Facebook Comments

Leave a Reply

Your email address will not be published. Required fields are marked *