Fo Sai Rezultadu Avaliasaun Programatika Nee Kompetensia Governu

Fo Sai Rezultadu Avaliasaun Programatika Nee Kompetensia Governu

- in Edukasaun
168
0
UNTL

DILI – Atu fo sai rezultadu avaliasaun programatika ba ensinu superior neebe mak ANAAA halao tiha ona iha tinan kotuk, nee kompetensia governu para bele fo sai ba iha publiku.

Kestaun nee fo sai husi Reitor UNTL, Francisco Miguel Martins hatete, konaba rezultadu avaliasaun programatika ba iha ensinu superior nee kompetensia governu, tanba saida mak too agora rezultadu nee rasik seidauk fo sai iha publiku.

Hau hanoin konaba rezultadu avaliasaun programatika ba iha ensinu superior nee kompetensia governu ninia para atu bele fo sai ba iha publiku, tanba saida mak too agora rezultadu nee rasik seidauk fo sai iha publiku, nee diak liu husu ba sira, para sira bele fo esplika klaru liu tan ba ita boot sira,” hatete Miguel ba STL iha kampus Liceu UNTL Dili Sesta (21/04/2017).

Miguel sublina, avaliasaun programatika nee halao iha tinan kotuk, maibe atu fo sai rezultadu ba avaliasaun nee rasik kompetensia tomak husi governu, tanba sira mak halao  avaliasaun ba iha ensinu superior ida-idak, entaun sira mak iha kompetensia tomak atu bele halo anunsiu ba iha avaliasaun refere.

Iha parte seluk, Reitor DIT, Manuel Vong, hatete, lolos nee governu fo sai ona rezultadu avaliasaun programatika, tanba sira halao kedas iha tinan 2016, maibe ate agora rezultadu nee rasik seidauk fo sai para universidade sira mos bele haree sira nian rezultadu avaliasaun, atu nunee sira bele hatene, espera katak, ANAAA hamutuk ho ME bele fo sai rezultadu ida nee ba iha ensinu superior ida-idak. Jacinta Sequeira/Guilhermina Franco

Facebook Comments

Leave a Reply

Your email address will not be published. Required fields are marked *