Fo Projetu, Opozisaun Husu Taur Lori Xanana Ba Tribunal

Fo Projetu, Opozisaun Husu Taur Lori Xanana Ba Tribunal

- in Nasional
58
0
PN

DILI-Tuir Fiskalizasaun neebe komisaun infraestrutura asuntu Parlamentar sira halo iha baze, identifika katak projetu balun neebe lao iha baze konsideira Ilegal, tanba kompana neebe kaer obras nee simu orientasaun husi Xanana, hodi realiza obras nee, tanba nee opozizaun konsideira illegal no husu Primeiru Ministru Taur Matan Ruak atu lori Xanana ba Tribunal.

Kestaun nee foti husi Deputada Maria Anabela Savio, liu husi sesaun dabate Orsamentu espesialidade OJE tinan 2019 nian iha Parlamentu Nasional Kuarta (19/12/2018).

Liu husi ami nia fiskalizasaun iha baze identifika projetu foun ida neebe desputa hela entre Bobonaro no Ainaro, projetu nee ita konsideira Ilegal maibe kompana sira servisu tiha ona, no tuir lolos Kompana ida husi Ainaro maka kaer obra nee. Maibe realidade kompana neebe hetan projetu la halo obra nee, kompana seluk husi Bobonari neebe simu orientasaun deit husi Xanana maka ba kaer fali obras nee, no koalia konaba regras maka kompana neebe hetan orientasaun nee kontra ona lei, karik kontra lei maka Primeiru Ministru Taur tenke barani atu lori Senhor Xanana ba Tribunal,” dehan deputada Maria.

Nia mos afirma liu tan katak, kopana sira neebe simu orientasaun husi Xanana hodi ba kaer projetu nee, kuaze kompana sanulu resin, hamutuk ho Veteranus sira maka kaer obras nee, karik Xanana kontra ona lei maka husu ba Primeiru Ministru Taur Matan Ruak atu lori Xanana ba Tribunal, tanba kompana neebe manan tender nee la kaer projetu nee.

Iha fatin hanesan Deputadu Sabino Soares hatutan, governu tenke hadia sisrema iha Ministeriu Obras Publiku, tanba dala barak projetu nee sei iha hela planu nia laran, maibe MOP nia ema haruka informasaun ba iha ema husi rai liur sira nee atu mai halo kompetisaun ba obras nee, tanba nee presiza sensablizasaun atu nunee projetu sira neebe maka tuir mai nee labele hamosu tan problema.

Hatan ba Preokupsaun Deputadu sira nee, ami rezista hotu ona iha nee, no atu resposta hotu maibe tempu limitadu, tanba nee husu karik tempu seluk maka Parlamentu sira bolu hau bele mai halo esplikasaun klean konaba asuntu sira nee. Informasaun kompletu iha STL Jornal, edisaun Kinta (20/12/2018). Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *