Finalistas Finantil Hamutuk 465

Finalistas Finantil Hamutuk 465

- in Edukasaun
275
0
Estudante Izame

DILI-Finalistas Eskola Sekundaria Jeralhamutuk 456, no total naran hirak nee haruka ona ba iha Ministeriu Edukasaun e Kultura  (MEK), liu husi  edukasaun  Munisipiu Dili.

Tuir  Direitor eskola  Sekundariu Jeral  Finantil, Aloysius  Mau Berek, hatete,  finalista husi eskola Sekundariu Jeral  Finantil, agora  prepara dadaun ona, tanba nee,  konaba preparasaun ba ezame nasional nee, liu-liu estudante terseiru ano sira neebe mak  atu tuir ezame final ninia, iha tinan ida nee, hamutuk 465  finalista mak seipartisipa iha ezame nasional, no naran haruka ona ba edukasaun Munispiu Dili.

Iha tinan ida nee ami nia finalista hamutuk 465 mak sei  partisipa iha ezame nasional, tanba nee, ho sira nian preparasaun konaba dokumentus halo tiha ona seleksaun, no ida neebe mak tama kriteria no ida neebe mak la tama iha kriteria, dala ruma balun la hatama sira nian identidade sertidaun ho diploma ensinu baziku ninia, nee ami identifika ona,”hatete  Aloysius  ba  STL  iha nian knar  fatin  Aimutin Dili Tersa  (10/10/2017).

Nia hatete, ba estudante sira neebe mak la hatama dokumentus nee, sira nian naran la hatama iha lista apontamentu. Tanba nee, husi eskola sei la harukasira nian naran ba iha MEK, tanba iha nain rua mak sira nian diploma nee la klaru, no sira labele tuir ezame nasional.

Ba sira neebe mak dokumentus la klaru, sira labele tuir ezame, entaun finalista husi Finantil ba tinan ida nee hamutuk 465 mak ami haruka ona sira nian naran ba iha edukasaun Munisipiu Dili, atu sira bele hetan kartaun ezame nasional,” dehan nia.

Iha fatin hanesan Martins Gomes, hanesan professor iha ESJ Finantil, hateten, estudantes Finantil preparadu ona ba ezame nasional husi estudantes ida-idak, no konaba material ba iha ezame nasional ninia, professor sira sempre fo ba estudante sira.

Hau hanoin ami nian estudante sira preparadu ona, bainhira iha loron atu tama iha ezame, ami nian estudanteida-idakpreparaduona atu hasoru ezame, konaba material ba iha ezame nasional ninia, professor sira sempre  fo  ba estudante sira, tanba nee, ba material laiha difikuldade ba estudante sira, tanba  estudante sira mos prepara aan tiha ona, antes  atu tama iha ezame nasional,” tenik nia.

Nunee mos Elvis Onorio Fatima Soares, hanesan estudante Terseiru ano, hatete, nuudar estudantes ba preparasaun ezame nasional diak no masimu tebes ona, tanba professor sira sei fo nafatin material ba estudantes atu prepara diak liu tan tanba hela semana rua deit ona.

“Ami nudar estudantes, ami nian preparasaun diak no masimu tebes ona, tanba professor sira  sei fo nafatin  material ba ami, atu nunee  ami bele halo preparasaun ida neebe mak diak no masimu liu tan,”dehan nia. Jacinta Sequeira

Facebook Comments

Leave a Reply

Your email address will not be published. Required fields are marked *