Filomeno: Fahe Formulario  Laiha Polemika

Filomeno: Fahe Formulario  Laiha Polemika

- in Nasional
75
0
41620614_522787238172887_2426479784335769600_n-300x200

DILI-Rekrutamentu membru Falintil-Forsa Defeza Timor Leste (F-FDTL) foun laiha polemika,  oras nee komesa fahe  formulariu ba joven sira iha timor laran tomak.

Polemika laiha Ita fahe formulariu ba iha suku hotu, ita espera katak suku hotu konkorda, ita iha komisaun ida husi defeza no militar hodi bele hare no analiza ida neebe mak diak liu, dehan Ministru Defeza no Interior Interinu  Filomeno da Paixao de Jesus ba Jornalista  sira bainhira remata enkontru ho Prezidente Republika iha Palasiu Prezidente, Tersa (03/12/2019).

Nia hatutan komisaun Organizadora parte tekniku nian seidauk fo informasaun, konaba atividade fahe formulariu neebe lao ona iha rai laran.  Atu  fahe formulariu latoo ba sidadaun sira, ida nee komisaun mak hatene, tanba serbisu tomak entrega ona ba komisaun no komisaun teknika mak halo buat hirak nee.

Sira seidauk fo relatoriu ba hau hatene sira halo medidas para ultrapasa, dehan Paixao.

Nia informa rekrutamentu PNTL sei lataka dalan, maibe hadia uluk prioridade sira hotu  iha polisia, hanesan  lejislasaun, hirarkia, kadeira asaun komandu, depois sei rekruta iha  2021.

Nunee transferensia F-FDTL ba PNTL katak Paixao, nee politika oitavu governu nian oinsa mak iha Backgraund,  tanba iha Maliana no Oecusse problema husi elementus forsa rua nee.

Husi hau nia politika governu nia ita halo rekrutamentu hamutuk, ida neebe mak ba militar nee tau ba military, depois rekrutamentu hotu hasai ba polisia, tenik Paixao

F-FDTL katak Paixao  labele uza hotu, purezemplu, rekruta too mill dozentus, depois  bele hela ho 600, bele haruka ba polisia ba sivil, bele ba fali liu husi rekrutamentu.

Nusa labele,  ita hakarak hakiak sira hamutuk no eduka sira hamutuk intermus de sidadania, doutrina hamutuk kuandu espesilidade ida idak lao ninian, esplika Paixao.

Ministru relata ba oin diak liu  bainhira konese malu ona evita kolizaun sira neebe mosu dadaun too agora. Tinan ida nee implementa dadaun ona iha F-FDTL, tinan oin 2021 bele halo fali ba polisia.

Paixao informa orsamentu Ministeriu Defeza ho  Interior nian ezekusaun besik hotu ona, relatoriu hatoo ba iha parlamentu iha Outubru, sei iha 60  i tal, enkuantu interior nian iha 90 ital,  defeza nian iha 90 ital  ba leten.

Entretantu Vise Xefe Estadu Maior Jeneral Falintil-Forsa Defeza Timor Leste, Brigadeiru Jeneral Falur Rate Laek, rekonese akontese problema iha prosesu distribuisaun formulariu iha terenu, tanba nee nia parte tuur hamutuk ho Xefe Estadu Maior Jeneral  F-FDTL Major Jeneral Lere Anan Timur hodi fo solusaun.

Falur relata katak  komandu  simu keixa barak husi nasional no munisipiu no nia parte  observa direita prosesu distribuisaun formulariu nee mosu duni fallansu.

Nunee mos Josefina Dos Santos joven neebe foti Formulariu F-FDTL foun dehan formulariu neebe fahe husi Suku oituan deit nunee Xefi Suku sira haruka joven neebe mak lahetan bele ba rental foto kopia hodi nunee bele kompete hotu iha prosesu rekrutamentu nee.

Formulariu ami foti ona, maibe formulariu latoo, tanba nee mak xefi suku haruka ami ba kopia iha rental atu nunee bele hetan hotu, tenik Josefina.

Nia hatutan kriteria neebe mak iha todan oituan, tanba presiza inan aman nia BI no Sertidaun RDTL no familia veteranus nia deklarasaun, ida nee mak halo nia sente todan maibe nia koko halo kompletu  dokumentus neebe mensiona iha rekrutamentu. Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *