Fiar ba Xanana no Taur Sei Garante Estabilidade

Fiar ba Xanana no Taur Sei Garante Estabilidade

- in Nasional
542
0
Xanana-Taur

DILI—Povu Timor Leste sei fiar metin ba maun boot Xanana Gusmao no Taur Matan Ruak sei garante pas no estabilidade iha governasaun foun, tamba povu konsidera sira hanesan aman ba nasaun.

Lia fuan hirak nee hatoo husi Prezidente Partidu Demokratiku Cristaun (PDC) Antonio Ximenes ba STL iha nia rejidensia Kampo Baru Komoro Kuarta, (13/9/2017). Nia dehan Xanana assume ona kargu Prezidente Republika, Primeiru Ministru, Ministru no mos nudar ema politika, nunee mos Taur sai ona Prezidente Republika no agora dadaun nudar lider partidu nian sei fiar ba estabilidade.

Tuir hau nia hare lae tanba ita nia maun Xanana, Matan Ruak konsidera nasaun to ukun an nee lae. Tanba sira rua sai aman ida ba nasaun. Xanana assume ona kargu prezidente, premeiru ministru no ministru no ikus mai deside nudar opojisaun iha parlamentu. Taur Matan Ruak sai ona prezidente republika no agora sai politika atu sai opojisaun edukativu iha parlamentu nasional,”nia dehan.

Maibe iha nafatin ba esperansa ba partidu Fretilin ho nia koligasaun PD, Khunto atu buka kolobora nafatin lideransa partidu seluk atu fo kontribuisaun ba governu foun mai bele dura to tinan lima mai.

Adjuntu Diretor Ezekutivu Fundasaun Mahein Joao Almeida dehan politika nee normal laiha implikasaun, tamba iha rai hotu hanesan inklui iha Timor Leste. Realidade CNRT hatudu ona atu hili dalan opojisaun iha Parlamentu Nasional. Taur Matan Ruak hili dalan nudar partidu opojisaun edukativu nee diak no demokrasia tebes.

Retor Institue Of Bisniss (IOB) Augusto da Conceicao Soares, dehan iha esperansa nafatin ba lideransa Xanana no Taur maibe mos lideransa seluk hanesan Ramos Horta, Alkatiri, Lere, Lu-Olo sei buka kopera malu diak atu garante pas no estabilidade ba nasaun Timor Leste ba futuru mai. Justinho Manuel

Facebook Comments

Leave a Reply

Your email address will not be published. Required fields are marked *