FFTL Husu Hatudu Kualidade Treina

FFTL Husu Hatudu Kualidade Treina

- in Desportu
1196
0
Desportu

DILI – Federasaun Futebol Timor-Leste (FFTL) husu ba treinador neebe hetan ona sertifikadu husi AFC atu hatudu kapasidade nuudar treinador hafoin Treinador 19 pessoas simu sertifikadu ho kategoria nivel C wainhira liu husi treinamentu durante semana rua.

FFTL rasik distribui sertifikadu nivel C ba treinador hamutuk 19 pessoas iha tinan 2017 hafoin treinador sira nee utrapassa treinamentu durante semana rua neebe dereitamente hetan husi treinador AFC neebe halao iha Xanana Treining Center FFTL fulan Maio liu ba, antes nee iha tinan 2004 FFTL rasik mos fo ona sertifikadu Nivel C ba Treinador hamutuk 14 pessoas nunee too agora total 33 treinador mak iha ona sertifikadu nivel C iha Timor – Leste.

Sertifikadu nee bele fo abilidade ba treinador sira hodi aumenta diak liu tan sira nia esperensia nunee bele kaer team iha future mai diak liu tan,” dehan Vice Prezidenti Federasaun Futebol Timor-Leste (FFTL) Filomeno Fernandes hatete ba STL hafoin remata seremonia intrega sertifikadu treinamentu nivel C ba trenador futebol iha Xanana Treining Center FFTL Bairu Sentral Dili, Tersa (10/10/2017).

Nia hatutan, Federasaun rasik sei kontinua halo treinamentu ba treinador sira nunee bele hasae liu tan nivel sertifikadu ba kategoria B, “ Hau hanoin ona, iha fulan dezembru mai sei iha kontituasaun ba treinamentu hodi hasae tan nivel sertifikadu ba treinador sira neebe mak sei involve mos husi nivel Municipiu hotu,” dehan Filomeno.

Vice Prezidente FFTL asuntu tekniku nee husu ba Treinador sira neebe iha ona sertifikadu nivel C atu aktivu para FFTL bele fo apresiasaun no tinan rua iha esperansa atu sae tan nivel B.

Iha fatin hanesan eis Treinador Akademika Fernando Xavier mos hatete, “Hau kontenti no orgullu maibe nee hanesan responsablidade boot ida ba ami tanba sertifikadu C provizoriumentu oras nee aas liu ona iha Timor entaun ami tenki aproveita nee ho didiak para oinsa bele transfere abiliadade ba jogoador sira laos deit senior maibe liu-liu juvenile, junior too senior,” dehan Xavier.

Nia mos husu ba FFTL atu nafatin kria kondiasaun hodi fo oportunidade hetan tan treinamentu nunee bele hasae tan sertifikadu nivel C ba B.

Nunee mos Asisten Treinador Karkeitu FC Antonio Timotio mos hatoo agradesementu ba FFTL neebe mak loke ona oportunidade ba nia atu partisipa tuir treinamentu sertifikadu nivel C.

Hau hakarak hatoo agradese ba Federasaun Futebol Timor-Leste neebe mak autoriza ona AFC atu mai fo treinamentu ba ami hodi aumenta tan kualidade treinador nian,” dehan Timotio.

Eis Jogador iha tempu Indonesia nee mos hatete,  Sertifikadu C rasik iha Timor-Leste hanesan kategoria neebe aas liu ona espera ba oin FFTL nafatin kapasita tan treinador sira hodi hasae tan kategoria sertifikadu husi C ba B, no husu atu treinador sira neebe iha ona sertifikadu C atu hatudu aan nuudar treinador duni.

“Husu ba Federasaun atu labele para ona iha nee maibe loke nafatin oportunidade atu kontinua ba kategoria B, e husu ba treinador sira neebe mak kaer ona sertifikadu C nee atu rai aan nuudar trenador duni, signifika katak hatudu kualidade no inplementa material nunee mos kaer team ho didiak,” dehan Tomitio. Natalino Belo

Facebook Comments

Leave a Reply

Your email address will not be published. Required fields are marked *