Feto Tenke Iha Konsensia Rasik

Feto Tenke Iha Konsensia Rasik

- in Metro
4615
0
13159977_bYJzN

DILI-Nuudar feto tenki iha konsensia rasik atu bele moris tuir dalan neebe maka diak. Tanba ohin loron feto barak no juven feto barak lakon moral hodi fahe feto maluk nian uma laran, tanba nee maka atu sai feto neebe diak tenke iha konsensia rasik.

Tuir Terezinha Soares ho munud modern ohin loron feto maluk balu liuliu hanesan feto juven balu lakon moral hodi sovu fali ninia feto maluk nia uma laran. Tuir lolos nuudar feto tenki iha konsesia hodi moris tuir dalan neebe diak laos atu ba sovu fali ema nia uma laran.

Ba feto sira uainhira ita lalakon ita nian kultura no dignidade neebe diak tenke iha konsensia rasik, tenke hatene no sente nian maluk feto seluk nian sentimente, labele haree ba iha sasan ou riku. Maibe haree ba iha ita nian kultura no ita nian dignidade neebe iha tanba feto nian dignidade laliu ba osan,” katak Terezinha ba STL iha Kolmera, Sesta (26/12/2017).

Tanba nee husu ba feto maluk sira diak liu tau iha ita nia ulun ho konsensia moris rasik katak, feto ida-idak iha nian konsensia atu dezenvolve nia moris tuir dalan kultura Timor atu nunee bele dezenvolve mos ida-idak moris iha futuru mai.

Uainhira feto ida iha ona konsensia rasik maka hatene hadomi nian aan no hadomi nian dignidade ona maka feto neemos hatene ona hadomi nian feto maluk seluk nian dignidade nomos hatene ona oinsa bele moris tuir dalan neebe diak buat hotu fila fali ba ema idak-idak nian konsensia rasik.

Ita haree ba realidade neebe iha dalaruma feto klosan ida lao netik alias hola fali nia feto maluk seluk nian laen, maske nian hatene katak mane nee iha feen. Maibe nian nafatin simu hakarak hafahe ema nian uma laran. Nunee mos, mane sira mos hanesan dalaruma iha feen maibe bosok ba feto klosan sira katak nian sei klosan,” katak Terezinha.

Tuir lolos katak, Terezinha feto maluk sira neebe halo hanesan nee, ida nee hahalok neebe ladun diak, tanba nee husu ba maluk feto sira hotu katak antes ema ida hakarak mane ida. Tenki buka hatene uluk mane nian status lai maka simu mane nee. Nunee mos, feto labele hatudu nian frakeza ba mane hatudu nafatin ba maluk mane sira katak ita feto mos iha konsensia moral no iha ita nian kultura rasik ida nee maka tau iha ulun.

Uainhira buat hotu nee ita hatene ona buat aat sei lamosu ba ita no ita rasik sei hatene ona saida maka ita nian feto maluk sente hela iha tempu neebe maka susar nee rasik.

Nunee mos, diak liu haree ba futuru no haree ba moris neebe diak duke ba moris iha adulteru nian laran, tanba dalaruma feto juven ida ba moris ho ema kabe-nain ida maka moris nafatin iha adulteru nian laran. Tanba lahetan maromak nian isin liu husi ostia neebe iha tanba nee hakarak sai feto neebe diak moris tuir maromak nian hakarak atu nunee keta moris iha adulteru nian laran.

Iha sorin seluk Madre Maria Lucia hatutan feto ida tenke iha konsensia moral rasik no tenke halo tuir saida maka inan-aman sira hanorin ona mai ita katak kalan labele sai. Tenki lao tuir dalan neebe diak, tenke halo tuir atu nunee feto keta monu ba sala.

Tanba nee husu ba feto maluk sira hotu katak nuudar feto ita ida-idak tenki iha konsensia rasik no ba moral neebe diak.

“Hau hanoin tuir fali hanesan uluk ita sei kiik ita nian inan-aman hanorin mai ita no hau sempre rona husi inan-aman katak kuandu lokraik manu sae ai ona feto sira tama uma ona. Nunee mos, iha maromak nian ukun fuan mos hanorin mai ita katak labele hakarak ema nian kaben, ita ida-idak hatene ita nian kultura. Ita mos hatais lolos no moris tuir maromak nian ukun fuan atu nunee sai sarani neebe diak iha ita nian igreza nomos sai povu diak iha nasaun,” katak Madre Maria. Emerenciana Pinto

Facebook Comments

Leave a Reply

Your email address will not be published. Required fields are marked *