Feto Potensial 66 Sei Partisipa Formasaun

Feto Potensial 66 Sei Partisipa Formasaun

- in Metro
1138
0
klase-paralelo

DILI-Iha fulan nee Fundasaun Caucus sei fo formasaun ba feto potensial neebe mak mai husi partidus politikus hamutuk 66.

Tuir Direitora Ezekutiva Fundasaun Caucus, Paula Araujo Corte Real hatete, papel Fundasaun Caucus no patria nian haree partisipasaun feto iha politika, maske patria haree liu asuntu desentralizasaun nian no caucus ninia mak oinsa atu kapasita feto sira bele priense iha pozisaun estrutura politika no foti desizaun.

Iha parlamentu nian, fundasaun Caucus  iha tinan kotuk halao ona formasaun  ba feto potensial sira husi partidus politikus,”dehan  Paula  ba  STL  iha uma fukun PN  Dili  Tersa  (13/06/2017).

Nia hatete, iha tinan ida nee iha fulan Junu nian laran fundasaun caucus sei halo nafatin formasaun oin rua ba iha partidus politikus sira, liu-liu feto potensial sira, maibe haree liu ba sira neebe mak naran tama iha lista kandidatura ninia, atu oinsa bele kapasita sira, nomos sira bele iha konesementu diak liu tan konaba funsaun no knar  parlamentu ninia.

Atu haree ba iha boa governasaun ninia, iha mos material neebe mak importante neebe mak atu fo, atu nunee sira bele halao sira nian knar. Hanesan agora tenke ba kampana electoral, depois public speaking ida nee sai hanesan material neebe mak sensial teb-tebes, para sira bele hetan antes halao atividades kampana, nomos antes sira atu mai tuur iha uma fukun parlamentu nasional, sira hatene ona katak, saida mak parlamentu ninia funsaun no papel nudar membru parlamentu nasional,”dehan nia.

Nia hatete, iha lista kandidatura ho pozisaun neebe mak partidus politika sira fo ba feto sira, tanba iha partidus balun koloka feto balun iha numeru neebe mak besik malu, maibe iha balun mos feto iha numeru neebe mak ikus, atu tuir formasaun nee kada partidu ida feto nain rua, entaun total partisipantes husi partidus politikus hotu mak sesenta seis (66) feto potensial.

“Hau hanoin formasaun nee rasik sei halao durante loron tolu nian laran, tanba oinsa mak atu haree sira simu material no sira halo pratika iha formasaun nia laran, atu nunee bele aumenta diak liu tan sira nia koinesementu iha formasaun refere,” dehan nia. Jacinta Sequeira/Guilhermina Franco

Facebook Comments

Leave a Reply

Your email address will not be published. Required fields are marked *