Feto Mane Tenke Dezenvolve Setor Agrikultura

Feto Mane Tenke Dezenvolve Setor Agrikultura

- in Metro
316
0
lagro

DILI-Feto ho mane tenke servisu hamutuk para atu dezenvolve setor agrikultura iha Timor Leste (TL), tanba realidade komunidade sira nia partisipasaun iha setor agrikultura hahu menus.

Lamentasaun nee fo sai husi dosente UNPAZ, fakuldade agrikultura, Natalino Lopes katak, haree iha Munisipiu, inan aman sira agora simu osan veteranus, inklui terseira idade, sira komesa ladun ativu halo toos no natar.

Fulan-fulan sira simu, entaun halo ita nia inan aman sira komesa ladun partisipa diak ona iha sira nia toos no natar, maibe iha ida rua sei manteian nafatin, tanba nee, ita husu ba ita nia inan feto no mane maluk sira, ita tenke dezenvolve nafatin ita nia setor agrikultura, tanba ita simu deit mak sasan sira neebe mak importasaun hanesan fos sira nee, mai husi rai liur,” dehan Natalino ba STL bainhira hakat ba edifisiu ME Vila-Verde Dili Kinta (16/03/2017).

Nia hatete, atu dezenvole setor agrikultura, presiza feto ho mane ninia esforsu servisu, atu nunee bele hetan produsaun aihan barak, ezemplu natar, bainhira komunidade sira ativu iha natar, tinan-tinan bele hetan produsaun haree neebe mak barak.

Dosente nee, sublina, laos ba iha setor agrikultura deit, maibe oinsa mak  setor hotu-hotu hanesan edukasaun, saude, turizmu, ekonomi, no seluk tan, tenke feto ho mane ninia konstribuisaun,atu bele kopera malu servisu hamutuk, tanba  agora feto sira mos hahu promove sira nia aan iha kualker atividade, neebe mak mosu iha sira nia suku ka aldeia laran. Jacinta Sequeira

 

Facebook Comments

Leave a Reply

Your email address will not be published. Required fields are marked *