Feto Kontinua Estuda Makaas

Feto Kontinua Estuda Makaas

- in Edukasaun
3677
0
13159977_bYJzN

DILI– Wainhira atu kompete ho mane sira, feto tenki estuda makaas diak liu tan. Atu nunee bainhira hetan oportunidade ba tuur iha Parlamentu Nasional, iha ona konesementu neebe maka diak.

Tuir hau nian haree oras nee dadaun feto barak maka partisipa ona iha parlamentu nasional nomos iha governu. Tanba nee husu ba feto sira atu kontinua estuda makaas diak liu tan ho mane sira, para nunee bele iha konesementu neebe maka klean diak liu tan iha futuru. Bainhira hatoo proposta ou lee sai imformasun ruma labele iha failansu tan,” katak Estudante Tomazia da Silva ba STL iha Universidade Oriental Timor Lorosae (UNTAL), Kuarta, (18/10/2017).

Nia hatutan, feto laos laiha konesementu maibe, feto presija estuda makaas diak liu tan. Para nunee bele lori feto nian naran ba oin nafatin nomos bele lori feto seluk nian aspirasaun ba iha nasional. Tanba feto nian papel ba iha dezenvolvimentu mos importante, nee maka feto sira persija estuda makaas diak liu tan hodi bele kontribui ba iha nasaun.

Nia akrezenta liu tan, papel feto ba iha dezenvolvimentu nasional nee importante tebes tanba oras nee dadaun lei mos fo dalan ba ita feto atu inkilina ann iha fatin neebe deit tanba nee maka feto mos persija esporsu no estuda makaas diak liu tan atu nunee bele lori feto rural sira nian naran ba iha governu no parlamentu nasional,

Hau husu nafatin ba hau nia maluk feto sira hotu mai ita estuda makaas diak liu tan. Oras nee dadaun lei rasik fo dalan ba ita feto sira, atu bele partisipa iha atividade hotu. Tanba nee mai ita hamutuk estuda nafatin, atu nunee karik ita nian governu fo fiar ruma ita mos iha ona konesementu,” tenik Tomazia.

Nia dehan, universidade iha fakuldade direitu, dosente sira esplikasaun klean ona konaba direitu feto no labele halo diskriminasaun ba feto sira. Primeiru ministru mos aprezenta ona programa katak iha parte igualidade generu, governu sei kontinua garante implementasaun planu asaun nasional kontra violensia nomos planu asaun nasional feto paz no seguransa, no kontribui ba implementasaun orsamentu sensivel da generu.

Iha sorin seluk Prezidenti Assosiasaun Feto Hadomi Baucau ba Dezenvolvimentu, Regina de Souja dehan, estuda nee laharee ba tempu, no feto persija estuda makaas wainhira mate maka hotu, tanba nee nia husu nafatin ba feto sira atu bele estuda nafatin.

Nian hatutan, feto nian kontribui laos iha ukun aan deit maibe, iha tempu okupasaun feto mos ajuda mane sira hodi luta ba ukun rasik aan, tanba nee ohin loron Timor hetan liberdade ona feto sira mos estuda makaas, atu nunee bele kontribui ba iha dezenvolvimentu nasional. Emerenciana Pinto

Facebook Comments

Leave a Reply

Your email address will not be published. Required fields are marked *