Feto Iha Football Menus

Feto Iha Football Menus

- in Desportu
4940
0
leo-hornai

DILI-Sekretariu Estadu Joventude e Desportu (SEJD), rekonese katak, feto nian partisipasaun iha moralidade football sei menus.

Kestaun nee hatoo husi Sekretariu Estadu Joventude e Desportu  (SEJD), Leovigildo  Hornay katak, iha moralidade hanesan football, liu-liu atu promove atividades football  feto ninia sei menus. Tanba nee SEJD rekonese, maibe injeral ba hotu hotu lao ho balansu, no feto nian partisipasaun mos barak no aas iha prestasaun sira seluk.

Ita hatene foin lalais ita nian atleta halo prestasaun iha Asia Games, iha Malaysia, nee feto nain rua mane ida, maibe iha tinan 2015 feto ida mak hetan prestasaun iha neeba. Neebe hau hanoin area desportu ninia kualifikasaun feto ho mane nee la halo diferente entre feto ho mane, maibe oinsa mak ida-idak atu mai ho ninia abilidade nomos preparasaun neebe mak importante. Para depois  ita bele prepara diak ita nian jogus ou kompetisaun ida nee, defaktu katak ita hatene, iha moralidade  hanesan football, ita nian dezenvolvimentu, liu-liu atu promove atividades football feto ninia nee menus,” dehan Leovigildo ba  STL  hafoin partisipa iha  serimonia tomada de pose ba  deputadu quatru lejislatura iha uma fukun PN, Tersa,  (05/09/2017).

Leovigildo akresenta, desportu injeral  feto mos halo parte  lao ho diak, maibe espesifiku iha moralidade football nian feto ninia partisipasaun sei menus, tanba durante ninia mandatu hotu sira foin hahu no hanoin iha kompetisaun ba feto nian.

Hau hanoin basket no volley sira seluk nee, involve feto sira iha nee ba, neebe hau hanoin feto sira nian partisipasaun nee diak teb tebes, ita espera katak, governu foun neebe mak mai, bele esforsu no halo planu, nomos bele ezekuta planu sira nee ho diak liu tan. Hau hakarak atu hatete katak, presentajen nee ita haree ba iha kuantidade, maibe partisipasaun nee kapas teb tebes, tanba ita hakarak atu reforsa iha kualidade iha area desportu ninia,” dehan nia.

Nia husu nafatin ba feto sira, liu-liu sira neebe mak iha talentu ba area desportu nee, presiza promove aan nafatin, para bele halo kompetisaun ruma iha rai laran, ka rai liur, tanba desportu injeral nee, agora dadaun  feto sira  hahu  partisipa dadaun ona. Jacinta Sequeira

Facebook Comments

Leave a Reply

Your email address will not be published. Required fields are marked *