Feto Bele Kandidata Aan Ba Prezidente

Feto Bele Kandidata Aan Ba Prezidente

- in Politics
386
0
TLFeto

DILI – Eleisaun prezidente neebe mak sei halao iha Marsu tinan nee, husu nafatin ba feto sira neebe mak iha kapasidade bele kandidata aan iha eleisaun prezidensial, hodi kompete ho mane sira.

Kestaun nee fo sai husi Agostinho Coelho hanesan dosente IOB katak lakleur tan TL atu halao festa demokrasia, hodi hili Prezidente Republika, no eleisaun parlamentar rasik sei halao iha Jullu tinan nee. Tanba nee, husu ba feto sira mos bele hetan oportunidade hodi bele kandidata aan.

hau hanoin feto sira mos bele hetan oportunidade neebe mak diak hodi bele kandidata aan, maibe kada partidu mak sei hili feto sira atu bele kandidata aan, tanba ita hatene katak, ita nia inan feton sira mos iha kapasidade neebe mak diak bele lori prosesu dezenvolvimentu nee ba oin hamutuk ho mane sira,” dehan Agostinho ba STL liu husi via-telefone, Kinta (12/01/2017).

Agostinho sublina, lei la bandu ema, tanba ema hotu iha direitu hanesan tantu feto ou mane, depende ba ninia kualidade, bainhira iha kualidade diak, bele partisipa iha kualker atividade, espera katak, iha eleisaun prezidente nee feto sira mos sei  partisipa, tanba kada partidu ida sei iha ninia reprejenta feto.

Iha  parte seluk, deputadu husi bankada PD, Adriano Joao, liu husi via-telefone hatete, konaba eleisaun prezidente, sira sei liu husi kongresu mak bele disidi sira nia reprejenta feto, tanba agora sira sei haree lai ba iha eleisaun parlamentar. Informasaun kompletu iha STL Jornal no STL Web, edisaun Sesta (13/1/2017). Jacinta Sequeira

Facebook Comments

Leave a Reply

Your email address will not be published. Required fields are marked *