Ferias Semana Paskoa, Segunda PN Laiha Plenariu

Ferias Semana Paskoa, Segunda PN Laiha Plenariu

- in Nasional
42
0
EDUKASUAN FETO SAUDE

DILI– Hafoin ferias semana paskoa, Segunda nee Parlamentu Nasional (PN) laiha sesaun plenariu tanba seidauk iha ajenda neebe aprova atu debate.

Tuir Xefe Bankada PD Antonio da Conceicao hatete, normalmente iha plenariu nee halao iha Segunda, Tersa nee iha Sesta halao reuniaun lider bankada hodi aprova ajenda, maibe tanba ferias tiha neebe Segunda nee laiha plenariu.
Horsehik Segunda  laiha plenariu, tanba ita hatene katak feriadu ba semana paskoa nee iha kedas Kinta semana kotuk, neebe seidauk halo reuniaun lider bankada tanba nee laiha ajenda neebe aprova ba loron ohin,” hatete Antonio ba Jornalista Segunda (22/04/2019) iha PN.

Nia dehan, Mezmu ohin Segunda laiha, maibe lasignifika  ohin Tersa mos liha PlenAriu,  Tersa ohin iha tanba agora sira simu ona despaisu tuun husi prezidente PN hodi haruka orsida lokraik atu iha reuniaun lider bankada nunee bele aprova ajenda ba aban Tersa hodi halao plenariu.

Entretantu observasaun jornalista haree katak, hafoin ferias semana paskoa, segunda nee instituisaun hotu hahu tama servisu tatu privadu no governu, maibe parlamentu nasional depuadu sira lahalo sesaun plenraiu hanesan bain-bain hodi debate hatoo preokupasaun povu nian, tanba seidauk iha ajenda neeb aprova atu debate.

Tanba nee ohin deputadu sira ida-idak ba halao sira nia servisu tuir ida-idak nia bankada, inklui Prezidente ho nia vice nain 2 mos halao nia servisu iha ida-idak nia gabinete. No informasaun Segunda lokraik oras tuku 16: 00 sei halo reuniaun lider bankada atu nunee bele deside ajenda ba plenariu iha loron Tersa. Guilhermina Franco / Madalena Horta

Komentariu

Facebook Comments

Leave a Reply

Your email address will not be published. Required fields are marked *