Feriadu Judisiario MP Kontinua Halao Atividade

Feriadu Judisiario MP Kontinua Halao Atividade

- in Nasional
10
0
Tribunal

DILI– Durante feriadu judisiario neebe mak hahu iha loron 1 fulan agostu atividade julgamentu laiha no halo deit julgamentu ba kazu urjensia maibe kontinua halao atividade seluk.

Kestaun nee hatoo husi Prokurador Jeral Da Republika Jose Da Costa Ximenes ba jornalista wainhira remata enkontru ho Prezidente Republika Francisco Guterres Lu Olo iha palacio prezidensial bairo pite dili tersa (03/09/2019).

Prokurador Jeral dehan hasoru malu ho xefi estadu hodi informa hela servisu ministerio publiku neebe mak halao durante feriadu judisiario katak durante feriadu Judisiario Ministeriu publiku kontinua halao atividade lubuk ida.

“Premeiru ami nia mazistradu no judisiario sira nafatin garante servisu hanesan premeiru introgatorio judisiario nomos julgamentu sumario sira no segundu aproveita feriadu judisiario ho perseru Dezenvolvimentu sira halo atividades lubuk ida premeiru iha fulan agostu nia hau nia adjuntu ba partisipa komferensia internasional ida iha brazil konaba meiu ambiente nomos trafiku droga partisipa iha dia 5 too 9 nunee mos iha dia 16 too 20 partisipa mos iha Grupu asia fasifik konaba tratamentu kapitais no terorismo nia iha camra Australia “ hateten prokurador Jeral.

Prokurador hatutan iha nivel mazistradu sira hamutuk ho estadu unidos Amerika, ministerio publiku prokurador jeral diside ninia mazistradu nain tolu hamutuk ho juis nain7 hamutuk nain 10 ba halo estudu ida iha estadu unidos Amerika besik semana rua nunee mos majistradu nain ida hamutuk ho estadu unidos partisipa formasaun iha Fim de julio semana rua iha banku kailier konaba trafiku de pesoas nunee mos iha loron hira oin tan mazistradu nain rua sei tuir formasaun konaba korupsaun no rekoperasaun ativo.

Jose hatutan durante feriadu judisiario suspende atividades maibe sira kontinua reforsa kuadru sira liu fo formasaun ho parseru dezenvolvimentu sira para eleva nafatin sira nia kapasidade atu nunee bele halao servisu diak liu tan, nunee mos iha nivel prokurador jeral nia iha ona memorandu intendimentu ho komisaun funsaun publika ba implementasaun hodi halao servisu hamutuk iha formasaun ho investigasaun sira husi komisaun funsaun publika maibe ho pedido prezidente funsaun publiku nia ohin too bainrua sira sei deside mazistradu ida ho tekniko ida hodi fo formasaun ba investigador sira husi komisaun funsaun publiku nia materia nee dezenvolve hanesan formasaun iha ambitu kriminal no displinar.

“Atividade sira seluk mak konselho superior ministerio publiku nia hodiseik deliveira assuntus importante balun ida mak nomeia tiha ona ema nain neen 6 sekretaria sira iha servisu centrais no espesialidade nomos iha distrital sira neebe mak sira sei fo toma posse iha dia 6 desetembru ida nee mak atividade ami nia durante fulan tomak nemak ami imforma hela ba prezidente republika” katak nia.

Jose hateten sira nain 7 mak posse maibe nain neen mak permanente iha servisu espesializada no Prokuradoria Da Republika hanesan sekretaria, ida ba konselho superior ba ministerio publiku ida sekretaria ba espeksaun ida ba sekretaria ba gabinete kombate korupsaun nomos servisu konselho estadu nain haat seluk ba sekretaria distrital sira.

Nia hatutan uluk nomeasaun interino deit maibe agora depois formasaun sira hela ida deit mak interina restu permanente hotu.

“Nunee mos konaba kazu kazal nain rua neebe mak oras nee iha Indonesia saida mak prokurador jeral halo premeiru hanesan prokurador jeral ho hau nia adjuntu haruka ami nia prokurador distrital ida ba haree sira iha junio nia laran iha atambua depois halo relatorio ida mai depois halo enkontru ida iha neeba katak atu haruka mai iha pontu de investigasaun nee katak material nee material Jakarta nia lao material kupan nia entau desizaun neebe mak prokurador jeral foti mak halo vizita ida ho autoridade Indonesia nia rejultadu iha investigasaun ami nia enkontru ho kapolri hamutuk ho ministru da justisa mak ita aprofuda investigasaun ami mos oke dalan atu ita halo investigasaun konjunta katak halo investiga iha neeba no halo mos investiga hamutuk no ekipa iha neeba seidauk halo komunika mai ami konaba prosesu kazal nain rua nee” katak nia.

Nunee mos Prezidente Republika Francisco Guettres Lu Olo iha hasoru malu nee sente kontente bele hasoru malu ho Prokurador Jeral Da Republika, no Xefi Estadu husu atu tribunal halao servisu neebe mak diak impasial no justu tuir lei ou regra neebe mak vigor iha nasaun nia laran.

Tuir observasaun neebe mak STL hetan feriadu judiario bazeia ba dekretu lei numeru 20/2012 5 abril fo suspensaun ba atividade tribunais iha nasaun timor leste neebe mak hanaran feriadu judisiario hanesan iha 15 dezembru too 15 janeiru no dia 1 agostu too 15 setembru kada tinan inklui feridu pascoa no seluk tan.

Maibe iha feriadu nee atividade julgamentu babain laiha maibe juis sira kontinua halo julgamentu ba kazu urjensia sira.Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *