Faustino Tenke Hadia Servisu PNTL

Faustino Tenke Hadia Servisu PNTL

- in Politics
45
0
21392480_1032358820235272_1056240587_o

DILI– Parlamentu Nasional (PN) husu ba Komadante jeral PNTL, Komisariu foun, Faustino da Costa no segundu komisariu Mateus Fernandes tenke hadia servisu balun iha PNTL, tanba problema barak maka mosu iha komunidade nia leet.

Liu husi intervista Reprezentante povu iha uma fukun PN, Deputadu Francisco de Vasconcelos hateten, komandante foun neebe maka nomeia ona husi Konsellu Ministru atu lidera instituisaun PNTL nee, tenke hadia Sistema balun, tanba iha fulan kotuk problema barak mosu iha rai laran, maibe too agora ninia prosesu nee lao too iha neebe.

Hau hanoin dezafius boot ba komadante foun nee barak tebes, tanba iha fulan hirak nia laran, problema barak maka mosu iha komunidade nia leet liu liu area Baucau, Viqueque, ema sona malu oho malu, laos iha Munispiu deit maibe akontese iha Dili laran nee mos, too agora nia prosesu lao oinsa ona, tan nee husu ba Komadante foun nain rua atu servisu makas hodi kombate krime neebe mosu iha rai laran,”dehan Deputadu Francisco ba jornalista Kinta (14/03/2019) iha PN.

Nia mos afirma liu tan katak, iha nasaun seluk bainhira krime mosu iha fatin fatin, ida nee hatudu katak sai inimigu boot ba nasaun, tanba nee husu Komadante Jeral foun atu orienta didiak nia mermbru sira atu servisu makaas liu tan, no neutralidade hodi atua probelama sira nee, karik lakonsege halakon problema rai laran maka, buka atu minimiza.

“Ita preokupa ho problema sira neebe ikus ikus nee akontese iha rai laran, tanba Turista sira bain hira mai Vizita TL no tun iha Aeroportu hate ema posting foto krime nee barak tebes iha media sosial, ida nee bele fo impaktu ba sira, tanba halo sira tauk no lakohi atu mai vizita tan TL tanba TL hanesan nasaun konfilitus, tan nee ho Komadante foun husu atu servisu makas,”dehan Deputadu nee.

Nia mos husu atu aplika lei neebe rigorozu hasoru ema kriminozu sira nee, no estadu labele lakon ho ema kriminozu, tan nee estadu tenke iha korazen no poder tomak no fo konfiansa ba PNTL hodi atua problema neebe akontese iha rai lara, no atua problema tenke imparsial no professional labele hare ba koor ka grupu ruma.

Iha fatin hanesan Prezidente Komisaun B neebe trata asuntu Defeza Siguransa, Aderito Hugo hatutan,hanesan Deputadu apresia tebes ho kargu ida nee tanba deside ona husi Konsellu Ministru.

Ita hotu hatene katak ida nee hanesan prosesu ida neebe saudavel, tan nee hein katak bele kontribui nafatin ba profesionalismu instituisaun PNTL, tanba nee komadante foun nain rua neebe hili ona husi Konsellu Ministru nee tenke servisu maksa, atu nunee PNTL bee hatudu diak liu tan sira nia servisu professional diak liu tan no efetivu atu nunee bele kontribui ba konfiansa povu iha nasaun ida nee nian,”dehan nia.

Nia mos husu ba Instituisaun PNTL tenke koopera nafatin ho entidade hotu hotu, no hamrik metin bain hira sira nia prezensa iha bairo ida povu tenke sente seguru no tenke hetan konfiansa husi povu ka publiku tomak ba instituisaun PNTL.

Ita nia fuguru rua neebe maka konsellu Ministru hili ona atu lidera instituisaun PNTL durante tinan hat nia laran nee, sira mai kedas husi PNTL rasik no prosesu formasaun barak maka sira hetan ona, tan nee bele kontribui ba future instituisaun PNTL nian neebe sei mai,”dehan nia. Madalane Horta/Guilhermina Franco

Facebook Comments

Leave a Reply

Your email address will not be published. Required fields are marked *