Fasilidade Preparadu Ba Ezame Nasional

Fasilidade Preparadu Ba Ezame Nasional

- in Edukasaun
74
0
Estudante Izame

DILI- Preparasaun fasilidades ba ezame nasional hanesan meja no kadeira preparadu hotu ona ba estudante sira no hein deit  atu sira tuir ezame iha loron 23 de Outubro.

Tuir Superintendente Edukasaun Munisipiu Dili, Virgilio Freitas Cabral, dehan, Ministeriu Edukasaun liu husi inspeksaun ba material no fasilidade ba iha ezame nasional, observa katak buat hot-hotu prepradu ona ba estudantes sira atu tuir ezame nasional deit.

Ita hotu, tuir inspeksaun nian haree liu husi material no fasilidade ba iha ezame nasional nee, ami haree preokupa konaba ida nee, maibe realidade agora dadaun eskola iha Munisipiu Dili infrenta, tanba Dili hanesan kapital nasaun ninia, entaun kada tinan sempre aumenta numeru estudantes nian iha eskola ida-idak, tanba ema hotu-hotu hakarak atu mai  eskola iha  Dili, neebe fasilidade ida neebe mak iha, ita tenke lao uluk lai ho ida nee, depois mak ita bele responde neneik preparadu, maibe dala ruma sala  neebe mak atu uza nee mak la too karik,” hatete Virgilio ba jornalista hafoin halo enkontru ho professor iha EBC Farol Dili Kuarta  (11/10/2017).

Virgilio akresenta, ezame nasional nee, kada sala sei tau estudantes  rua nolu, neebe meja no kadeira nee sira bele fahe, hodi bele responde ba iha ezame nasional, neebe bele dehan, konaba fasilidade ba iha ezame nasional nee preparadu, bainhira hahu ezame mak mosu failansu ruma, bele rezolve fila-fali.

Iha  parte seluk, Aquelino Soares, nuudar  konseleiru  ba estudante iha EBC Fatumeta, hatete, konaba meja no kadeira nee sufsiente ba estudante sira, tanba bainhira estudante terseiru ano sira tama iha ezame nasional, restu nee sei  feriadu, neebe  konaba fasilidade  ladun  iha difikuldade ba estudante sira.

“Hau  hanoin  konaba meja no kadeira nee  sufsiente ba estudante  sira, tanba bainhira  estudante  terseiru ano sira tama iha ezame nasional, restu nee  sei  feriadu, neebe  konaba fasilidade  ladun  iha difikuldade  ba  estudante sira, tanba ita hatene katak, ezame nee rasik ita sei halao iha loron  23,”dehan nia. Jacinta Sequeira

Facebook Comments

Leave a Reply

Your email address will not be published. Required fields are marked *