Fasilidade Iha CFJ Sufisiente

Fasilidade Iha CFJ Sufisiente

- in Krime
134
0
TTD1

DILI– Fasilidade ba formados iha Centru Formasaun Juridika (CFJ) sufisiente ona, hanesan livru no mos disionariu ho lingua sira.

Deklarasaun nee fo sai husi Diretora Centru Formasaun Juridical, Marcelina Tilman da Silva iha nia knar fatin Caikoli, Sesta, (08/09/2017).

Ami iha fasilidade no ekipamentu bele fo apoiu ba sira halo formasaun, iha livru no antes formadus sira atu tama, sira simu livru importante sira hanesan kogidu sivil, prosesu sivil prosesu penal no mos konstituisaun iha ekipamentus neebe bele dehan sufisiente,” hateten Marcelina.

Nia sublinha tan, sira mos iha biblioteka ida atu bele halo konsulta ba juridika nian. No biblioteka nee lao uja deit husi centru formasaun  sira, maibe ba mos formadores no estudante sira neebe halao estudu iha universidade, liu liu estudante neebe mai husi fakuldade de direitu.

Nunee sira iha fasilidade, no laboratoriu neebe iha asesor internasional sira mos bele estuda iha neeba, no bele mos empresta livru atu bele estuda. No fasilidade sira neebe bele ajuda ona, atu asesu no estuda ba iha area justisa nian.

Tilman afirma, ho fasilidade neebe iha sente naton ona, maske hakark atu sai diak liu tan maibe presija rekursu finanseiru. Maibe ho saida mak iha ajuda ona formandus sira halao atividade ho diak.

Formandos neebe agora halo hela formasaun, sira halao diak tanba, semana ida nia laran sira tuir formasaun no iha loron Kuarta lokraik sira estuda akompanhadu no estuda mesak no profesor ruma akompanha sira atu bele estuda. Tanba iha uma dala ruma atrapala ho atividade uma nian, nunee professor sira akompana sira iha estuda loraik iha kuarta.

Iha fatin seluk, akademika UNTL Manuel de Jesus hateten, durante nee sira mos hetan referensia husi livru neebe tau iha laboratoriu, atu bele kompleta trabalu neebe iha eskola.

Ami asesu ba iha laboratoriu hodi hetan referensia husi livru neebe iha atu bele kompleta ami nia trabalu eskola nian, tanba iha neeba iha mos livru neebe diak, hanesan disionariu sira ami mos bele asesu husi neeba, ” hateten Manuel.

Akademika nee rekomenda, governu foun nafatin tau atensaun iha fatin centru formasaun nian, atu bele aloka tan livru neebe diak nunee sira mos bele asesu husi livru hirak nee. Tanba agora dadaun iha universidade, materia hotu hanorin ho lingua Portuguesa no lingua akademika nian. Terezinha De Deus

Facebook Comments

Leave a Reply

Your email address will not be published. Required fields are marked *